1 Records 16:14 - Hawaii Pidgin Bible

¹⁴ Him, oua God, Da One In Charge. He run da govmens all ova da world.

1 Records 16:14 ပူးပေါင်းရင်းမြစ်များ

Start 17:7

“I stay make dis deal now, jus fo me an you. Dis deal wit you, goin stay foeva! I goin be da God fo you, an fo all da peopo dat goin come from you bumbye, even afta you mahke.

1 Records 16:12

No foget all da awesome kine stuff he wen do Dat peopo no can do. No foget all da unreal stuff he do, An wat he tell wen he lead da peopo,

1 Records 16:13

All you peopo dat come from Israel Dat was one worka guy fo Da One In Charge, Dass all you guys dat get Jacob fo yoa ancesta, An Da One In Charge wen pick you guys.

1 Records 16:15

You guys, no foget eva da deal he wen make, Da ting he tell yoa ancesta guys dey gotta do, Fo one tousan faddahs, one afta da odda.

Songs 100:3

Fo shua you gotta know dis: Da One In Charge, he God! He da One wen make us guys, An us guys his peopo! Jalike us da sheeps Dat he lead to da grass.

Songs 118:28

Eh God! You da God fo me! I goin tell good tings bout you. You da God fo me, An I goin tell peopo Dat you da greates!

Songs 63:1

Eh God! You da God fo me! I stay look fo you. Me, I go all out fo find you, Jalike I go find watta wen I thirsty! I desperate fo see you, My body come weak, Till I find you! Jalike I stay one place Wea no mo rain an erybody tired Cuz no mo watta ova dea.

Songs 95:7

Cuz him, he oua God. Us guys, us da peopo he take kea of, Jalike us guys da sheeps, An him da sheep guy. Dis wat I like fo you guys do today, Lissen wat God tell you guys!

Outa Egypt 15:2

Da One In Charge, he da One dat make me strong an solid, He wen come da One dat get me outa trouble. He da God fo me, an I like tell, he da greates! He stay da God fo my faddah guy too, an I goin tell, he da bestes!

Isaiah 26:9

All nite, I fo real kine tink bout you. An morning time, I go all out Fo know you fo real kine. Cuz wen you judge peopo an punish dem, Den peopo all ova da world Goin learn fo do wass right.