1 Records 16:12 - Hawaii Pidgin Bible

¹² No foget all da awesome kine stuff he wen do Dat peopo no can do. No foget all da unreal stuff he do, An wat he tell wen he lead da peopo,

1 Records 16:12 ပူးပေါင်းရင်းမြစ်များ

1 Records 16:13

All you peopo dat come from Israel Dat was one worka guy fo Da One In Charge, Dass all you guys dat get Jacob fo yoa ancesta, An Da One In Charge wen pick you guys.

1 Records 16:14

Him, oua God, Da One In Charge. He run da govmens all ova da world.

Songs 103:2

I tink lidis: “Tell erybody dat Da One In Charge, He da One give me da powa Fo do eryting!” An I no goin foget All da good tings he do fo me.

Songs 111:4

He make shua nobody foget Da awesome kine tings he do. Da One In Charge, He like do good tings fo peopo An show pity fo dem.

Songs 119:13

I tell da peopo All da tings you tell cuz you da judge.

Songs 119:137

Eh! You Da One In Charge! You erytime do da right ting! Da tings you tell cuz you da judge, Dey pono!

Songs 119:20

All da time, fo shua I like know Da tings you tell cuz you da judge. Cuz I all bus up inside.

Songs 119:75

Eh! You Da One In Charge! Dis wat I know: Eryting you tell cuz you da judge, Az da right ting. Weneva you punish me, Az cuz dass da right ting fo do.

Songs 19:9

Wen you stay real sked a Da One In Charge, Jalike dat make you come clean inside, An help you stay dat way, foeva. Da One In Charge, he da judge, An wen he tell wass right an wass wrong, All da tings he tell, stay right an stay true erytime.

Songs 77:11

But you know wat, Da One In Charge?! I goin no foget all da tings You wen do awready. I goin tink bout Da awesome kine stuff You wen do befo time.

Songs 78:43

Dey neva tink bout Da tings God wen do Egypt side Fo show wat kine god him. He wen do awesome kine stuff Ova dea aroun Zoan.

Outa Egypt 13:14

“Bumbye, yoa boy goin aks you, ‘Eh Daddy! Wat all dis ting mean, fo buy um back fo make one sacrifice?’ “You goin tell um, ‘Cuz you know, my boy, Da One In Charge get plenny powa, an he wen use um dat time fo get all us guys outa Egypt cuz us was slaves ova dea.

Outa Egypt 13:3

Den Moses tell da peopo dis: “No foget dis day! Dis da day you guys go outa Egypt, da place wea you guys was slaves. No foget how Da One In Charge wen use his powa fo get you guys outa hea. Dis same day ery year, no eat bread dat get yeast inside.

Rome 11:33

Ho, God! He unreals smart! God, he know how fo use all his smarts! An he know eryting! No mo nobody undastan how he make up his mind! No mo nobody can figga out how come God do wat he do! Jalike da Bible tell befo time:

Jesus Show 16:7

Den I hear one voice from da altar tell, “Az right! You Da One In Charge, Da God Dat Get All Da Powa. You da Judge. An eryting you do, you do um right An tell da trut.”

Jesus Show 19:2

God, he da Judge. He ony tell da trut, An do wass right! He wen punish da big hoa Cuz she wen make da peopo inside da world Do real bad kine stuff, jalike her. He wen punish her Cuz she wen kill da peopo dat work fo God.”