1 Records 16:10 - Hawaii Pidgin Bible

¹⁰ Talk big bout him, cuz you know how good an spesho he stay. I like fo all da peopo dat like know Da One In Charge stay good inside.

1 Records 16:10 ပူးပေါင်းရင်းမြစ်များ

1 Records 16:11

Find out eryting Da One In Charge like you fo know, Find out how strong him. Erytime try fo know him mo betta.

1 Records 16:9

Sing fo show respeck fo him! Make music fo him! Sing fo tell bout da awesome kine tings he do!

1 Records 22:19

Now, all you guys, go all out fo know yoa God real good, Da One In Charge. Go all out fo tink bout him. Den start fo build one place dat stay spesho fo yoa God, Da One In Charge. You goin bring da Box Fo No Foget Da Deal Wit Da One In Charge dea, an bring da odda tings dat stay spesho fo God inside da temple dat you goin build. You goin do all dat fo erybody know wat kine god Da One In Charge.”

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

2 Records 15:15

All da Judah peopo stay good inside cuz dey wen make da strong promise an go all out fo keep um. Dey go all out fo try know God, an God let um find him. So Da One In Charge let dem live quiet kine wit all da peopo aroun dem.

Songs 22:27

I like fo da peopo all ova da world, tink plenny bout you An tell dat you, Da One In Charge, da God fo dem, An come back fo be yoa peopo. I like fo da diffren ohanas from all da nations Go down in front you fo show respeck.

Songs 34:2

I like talk big bout Da One In Charge, Cuz a wat he do. Wen da peopo dat no tink Dey gotta be numba one Hear bout him, Dey goin stay good inside jalike me.

Songs 34:3

Me an all you guys togedda, We tell peopo, “Da One In Charge, he awesome!” All togedda we tell, “We know who him, An he da greates!”

Smart Guys 8:17

“I get love an aloha fo erybody dat get love an aloha fo me. Erybody dat go look fo me, dey goin find me.

Isaiah 45:19

I no make secret kine wen I talk, Jalike I stay some place Inside one land wea no mo light. I neva tell da peopo dat come from Jacob ohana, ‘No matta you guys try fo find me, Dat no goin mean notting fo you guys.’ Me, Da One In Charge! Wat I tell, I tell um fo real kine.

Isaiah 45:25

But wen all da peopo Dat come from oua ancesta Israel Stay tight wit Da One In Charge, Den dey goin get um right wit him. An dey goin tell good stuff bout him.”

Jeremiah 29:13

You guys try serious kine fo find me, you goin find me. Dat goin happen wen you go all out fo look fo me!