1 Records 14:3 - Hawaii Pidgin Bible

³ Inside Jerusalem, David take mo wifes, an come da faddah fo mo boys an girls.

1 Records 14:3 ပူးပေါင်းရင်းမြစ်များ

2 Samuel 5:13

Afta David go way from Hebron, he take mo Jerusalem wahines fo come his regula kine wifes an odda kine wifes, an he born mo plenny boys an girls.

1 Kings 11:3

He get 700 wifes come from king kine ohanas, an 300 odda kine wifes. An da wifes wen start fo make Solomon head come hamajang an he follow dea gods.

1 Records 14:2

Dass how David know fo shua dat Da One In Charge wen make him come solid fo be king fo da Israel peopo, an wen make his country get plenny respeck. An he know Da One In Charge do all dat cuz he get love an aloha fo his peopo, da Israel peopo.

1 Records 14:4

Dese da names fo da kids dat wen born fo him ova dea: Shammua, Shobab, Nathan, Solomon,

1 Records 28:5

From all my boys—an Da One In Charge wen give me plenny boys—he wen pick my boy Solomon fo sit on top da throne, fo show dat Da One In Charge stay da king fo da Israel peopo.

Teacha 9:9

Live good wit yoa wife dat you get love an aloha fo, all da time God give you unda da sun, no matta hard fo make sense. An bus ass unda da sun cuz az yoa kuleana unda da sun.

Malakai 2:14

But you guys, you tell, “How come Da One In Charge still tink I pilau?” I tell you how come! Cuz Da One In Charge know eryting bout you an yoa wife, da one you wen marry wen you was young. He know dat you bulai her, no matta she yoa bestes fren, an you wen make one strong promise fo stay tight wit her. Az why he tink you pilau.

Matthew 19:8

Jesus tell dem, “Cuz all you guys real hard head, dass why Moses let you guys throw out yoa wife. But I tell you guys dis: Wen God make da world, dat time no was lidat.

Rules Secon Time 17:17

Da king betta not get plenny wifes, cuz dey goin make him turn away from Da One In Charge. He betta not pile up plenny silva an gold.