1 Records 14:12 - Hawaii Pidgin Bible

¹² Da Filisha guys wen leave dea idol kine gods ova dea an dig out. So den David tell his guys fo burn up da idols.

1 Records 14:12 ပူးပေါင်းရင်းမြစ်များ

2 Samuel 5:21

Da Filisha guys dig out an leave dea idol kine gods ova dea. David an his guys carry away da idols.

2 Kings 10:26

Dey bring da kapu poses outa da temple fo Baal, an burn um.

2 Kings 19:18

Da Assyria guys wen throw dose peopo gods inside da fire an burn um up, cuz dey not real kine gods, but ony tings dat peopo make from wood an stone. Az why dey can wipe um out.

1 Records 14:11

So David an his guys go up by Baal-Perazim, an ova dea he win ova da Filisha guys. He tell, “God use me fo bus up da guys dat stay agains me, jalike wen da big watta broke out!” So dey call dat place Baal-Perazim, cuz dat mean “Da Boss broke out.”

1 Records 14:13

Laytas, da Filisha guys take ova da valley one mo time.

Outa Egypt 12:12

“Dis wat I mean: Dat nite, I goin pass ova da Egypt land, from one side to da odda side. Ery numba one boy dat live inside da land, I goin kill um. Da peopo an da animals, same ting. Dass how I goin show proof to da Egypt peopo dat all da gods dey pray to, dey notting, cuz me Da One In Charge!

Outa Egypt 32:20

An den Moses take da idol god dey wen make, dat look jalike one bebe bull, an he burn um up. Den he poun up da gold an make um jalike powda. He mix um wit watta an make da Israel peopo drink da watta dat get da powda inside.

Rules Secon Time 7:25

You guys goin burn up dea idol kine gods inside da fire. No make jalike you like take da silva o gold on top da idols, an no take dat fo you. Cuz all dat kine stuff no good, an can catch you guys jalike az one trap. Fo yoa God, Da One In Charge, all dat kine stuff pilau.

Rules Secon Time 7:5

“Az why dis wat you guys gotta do to dem: Broke down dea altars, smash da big kapu stones dey put up fo da Baal god, cut down da kapu poses dey put up fo da Asherah wahine god, an burn up dea idol kine gods inside da fire.