1 Records 14:11 - Hawaii Pidgin Bible

¹¹ So David an his guys go up by Baal-Perazim, an ova dea he win ova da Filisha guys. He tell, “God use me fo bus up da guys dat stay agains me, jalike wen da big watta broke out!” So dey call dat place Baal-Perazim, cuz dat mean “Da Boss broke out.”

1 Records 14:11 ပူးပေါင်းရင်းမြစ်များ

2 Samuel 5:20

So David dem go Baal-Perazim side, an he win ova da Filisha guys. He tell, “Jalike wen da watta broke thru one dam, Da One In Charge broke thru agains da guys dat stay agains me.” Dass why David call dat place “Baal-Perazim” an still yet dat place get dat name. Dat mean “Da Boss Dat Broke Thru.”

1 Records 14:10

So David aks God, “Good me an my guys go afta da Filisha guys, o wat? You goin give um to me, o wat?” Da One In Charge tell him, “Go. I goin give dem to you.”

1 Records 14:12

Da Filisha guys wen leave dea idol kine gods ova dea an dig out. So den David tell his guys fo burn up da idols.

Job 30:14

Dey come agains me, jalike thru one wide puka dey broke down in da wall, Same time da wall stay fall down. Dey roll inside jalike da kine surfs Dat crash ova an ova an wipe out eryting.

Songs 144:1

I like tell Da One In Charge “Mahalo!” Cuz he do plenny good tings fo me. I go by him fo hide, Jalike he one big solid rock. Him da one dat teach me how fo fight, An how fo make war.

Songs 144:10

Cuz you da one Dat get king guys outa trouble, An no let nobody come afta me, David, yoa worka guy, Wit one sword fo kill me.

Songs 44:3

Oua ancesta guys Wen take ova dis land, But no was cuz dey good wit swords O mo strong. Da main ting dat wen help dem fo win, Was cuz you stay strong. Cuz you like dem, An you like do good tings fo dem.

Outa Egypt 14:28

Da watta come back an cova ova da war wagons, an da horse rida guys, an all da Pharaoh army guys dat wen go chase da Israel peopo inside da Red Sea. Not even one a dem get outa dea.

Isaiah 28:21

Da One In Charge goin start fo do tings fo you guys, Jalike da time da Israel peopo wen fight da Filisha guys, Mount Perazim side. Da One In Charge Goin come real huhu an bus up peopo, Jalike da time dey wen fight da Amor peopo, Gibeon Valley. He goin do watevas he like do, No matta wat he stay do Goin make da peopo drop dea jaws, No matta nobody wen see him make lidat befo time.

Matthew 7:27

Da rain come, da riva flood, an da wind come from all ova da place an poun da house hard. Az da house dat fall down an come wipe out!”