1 Records 13:5 - Hawaii Pidgin Bible

⁵ Az why David bring togedda all da Israel guys from da Shihor Stream Egypt side to Lebo-Hamat north side, fo bring da Box from Kiriat-Jearim.

1 Records 13:5 ပူးပေါင်းရင်းမြစ်များ

2 Samuel 6:1

Da nex ting David do, he bring togedda all da Israel army guys dat he wen pick. Az thirty tousan guys, you know!

1 Kings 4:21

Solomon was da King in charge a all da local kine kings from da Eufrates Riva to da Filisha land, an all da way to da Egypt borda. Da local kine kings bring rich kine gifs fo Solomon an dey work fo him all da time Solomon stay alive.

1 Kings 8:65

Dass how, dat time, Solomon wen make da spesho religious kine ceremony. All da Israel peopo wen come dea togedda fo be wit Solomon, from Lebo-Hamat north side to da Egypt Borda Stream. Dey stay togedda in front oua God, Da One In Charge, seven days, den anodda seven mo days, az fourteen days in all.

2 Kings 25:21

Ova dea, Riblah town inside da Hamat land, da king guys kill all dem. Az how plenny Judah peopo go way from dea land an come prisonas Babylon side.

1 Records 13:4

All da peopo tink az good too, cuz az da right ting fo do.

1 Records 13:6

David an all da Israel guys wit him go Baalah inside Judah (az da ol name fo Kiriat-Jearim), fo bring da Box Fo No Foget Da Deal Wit God from ova dea. Dat Box stay fo make peopo no foget wat kine god Da One In Charge. He da One get his throne ova da two spesho angel watcha guy statues dat stay on top da Box.

1 Records 15:3

David tell all da Israel peopo fo come togedda inside Jerusalem, fo bring up da Box Fo Da One In Charge an put um inside da place he wen make ready fo um.

Isaiah 23:3

Befo time, dey go on top da big ocean An bring back plenny stuffs, Cuz dey buy an sell seeds Shihor side, An buy da food da Nile Riva peopo harves. Az how Tyre town wen stay Jalike da open market fo all da nations.

Jeremiah 2:18

So now, how come you guys like get yoa powa from Egypt? You guys like drink watta from da Nile Riva, o wat?! An now, how come you guys like get yoa powa from Assyria? You like drink watta from da Eufrates Riva, o wat?!

Joshua 9:17

So da Israel guys go dea. Day numba three, dey come by da Hiv towns: Gibeon, Kefirah, Beerot, an Kiriat-Jearim.

1 Samuel 6:21

Den dey sen messenja guys by da peopo Kiriat-Jearim side. Dey tell, “Da Filisha peopo wen sen back da Box Fo No Foget Da Deal Wit Da One In Charge. Go come down hea an bring um back up dea, yoa place!”

1 Samuel 7:1

So, da Kiriat-Jearim guys come an take Da Box Fo No Foget Da Deal Wit Da One In Charge. Dey bring um Abinadab place on top da hill, an make his boy Eleazar spesho fo Da One In Charge, fo watch an take kea da Box.

1 Samuel 7:2

Long time, twenny year awready, Da Box Fo No Foget Da Deal Wit Da One In Charge stay Kiriat-Jearim. An all da Israel peopo make sad kine noise cuz dey stay sad inside, an dey try know Da One In Charge mo betta.