1 Records 12:8 - Hawaii Pidgin Bible

⁸ Some Gad guys go ova by David inside da strong place wea nobody can attack him, dat he get inside da boonies. Dey real good army guys, an dey stay ready fo make war. Dey know how fo use da heavy shield an da spear. Dea face look jalike da lion face, an dey run fas on top da mountains, jalike da deer.

1 Records 12:8 ပူးပေါင်းရင်းမြစ်များ

2 Samuel 1:23

“Saul an Jonathan, Wen dey stay alive, erybody love dem. Dey nice kine peopo. Even wen dey mahke dey stick togedda. Dey run mo fas den da eagles fly. Dey mo strong den da lions.

2 Samuel 17:10

Den oua mos strong guys dat no sked notting, an get heart jalike one lion, even dey goin come weak cuz dey stay real sked. Cuz all da Israel peopo know dat yoa faddah know how fo fight real good, an all da guys wit him, stay strong an no sked notting.

2 Samuel 2:18

Get three guys dea wit David guys, Zeruiah three boys Joab, Abishai, an Asahel. Asahel can run real fas, jalike da kine deer dat live inside da boonies.

2 Samuel 23:20

Had Benaiah, too. His faddah, Jehoiada. Benaiah, he one good fighta. An he no sked too. Benaiah from Kabzeel town, he do big tings. He kill two a da bestes army guys from Moab. Anodda time, he da guy go down inside one deep hole wen stay snow, an kill one lion.

1 Records 11:16

Dat time, David stay inside da strong place he get ova dea, an same time, had Filisha army guys stay Betlehem side.

1 Records 11:22

Had Benaiah too, Jehoiada boy, one guy dat fight good an no sked. He from Kabzeel, an he do big stuff. He kill two boys from Moab, Ariel dea faddah. Anodda time he go down inside one big hole one day wen get snow, an kill one lion.

1 Records 12:16

Had odda Benjamin guys an some guys from Judah come by David too, inside da strong place wea Absalom no can attack him.

1 Records 12:7

Joelah an Zebadiah, Jeroham boys from Gedor.

1 Records 12:9

Ezer dea leada guy. Obadiah da numba two guy, Eliab numba three,

2 Records 25:5

Amaziah call da Judah men guys togedda. He put all da diffren Judah an Benjamin ohanas unda army officer guys ova one tousan guys an ova one hundred guys. Den he line up da guys twenny year ol o moa, an find out dat get three hundred tousan army guys ready fo fight, dat carry spear an big shield.

Smart Guys 28:1

Da bad guys, dey run away Jalike somebody stay chase um, No matta no mo nobody chase um. But da peopo dat stay do wass right, Dey stay shua dey stay okay, Jalike one lion dat no sked notting.

Smart Guys 6:5

You betta run away from da deal, Jalike da deer run away from da hunta guy An da bird fly away from da trap da hunta guy wen put.

Love Song 8:14

You da one I love! Go come! We go way togedda real fas! Run jalike one young deer On top da mountain wea da spice bushes grow!

Jeremiah 46:9

“Attack, you horse ridas! Go fo broke, you war wagon drivas! March, you guys dat fight— You guys from Sudan an Libya Dat carry one shield. You guys from Lydia Dat fight wit bow an arrow!

1 Samuel 23:14

David stay inside da boonies wea Saul no can attack um, on top da hills nea Zif town. Ery day, Saul go look fo him, but God neva let Saul grab David.

1 Samuel 23:29

Den David go up country from dea, an stay inside da strong kine places dass hard fo attack nea Ein Gedi.

1 Samuel 24:22

Az why David make da strong promise to Saul. Den Saul go back his place, but David an his guys go back up inside da strong place fo hide wea nobody can hurt dem.