1 Records 12:40 - Hawaii Pidgin Bible

⁴⁰ An da guys dat live nea dem all da way from Issakar, Zebulun, an Naftali, come an bring food on top donkeys, camels, mules, an cows. Get plenny flour, fig cakes, raisin cakes, wine, oil, cows an sheeps, cuz all da Israel peopo stay good inside.

1 Records 12:40 ပူးပေါင်းရင်းမြစ်များ

2 Samuel 16:1

Wen David go down litto bit da odda side a da Olive Ridge, he see Ziba ova dea. He da land manager fo Mefiboshet. He stay wait fo meet David. He bring two donkeys wit pack saddle. Da donkeys stay carry two hundred roun kine breads, one hundred chunk block raisin candy press togedda, one hundred summa kine fruits, an one goat skin all sew up wit wine inside.

1 Kings 1:40

Den Solomon go up to da palace, an all da peopo go wit him, playing flute an telling erybody dey stay plenny good inside. Dey make big noise, da groun shake!

2 Kings 11:20

Cuz a dis, all da peopo inside da land stay dance an sing cuz dey feel good inside. An Jerusalem town stay quiet, cuz da army guys wen kill Ataliah wit dea swords inside da palace.

1 Records 12:39

Da guys stay dea three days wit David. Dey stay eat an drink, cuz dea blood line peopo sen food wit dem fo eat.

1 Records 13:1

David an all da main leada guys fo his army talk togedda—da ones dat lead tousan guys, an da ones dat lead hundred guys.

1 Records 29:22

Dat day, da peopo eat an drink, an stay plenny good inside in front Da One In Charge. Den dey take Solomon, David boy, an dey put da spesho kine oil on top his head in front Da One In Charge, jalike fo make him dea king secon time. An dey do da same ting fo Zadok fo be da Main Pries Guy.

Smart Guys 11:10

Da peopo dat do wass right erytime, Wen good tings come by dem, Den erybody inside dea town feel good inside. But da bad kine peopo, wen dey get wipe out, Erybody all happy an make big noise.

Smart Guys 29:2

Wen da peopo dat stay do wass right, come da main one, Erybody stay good inside. Wen da bad peopo stay in charge, Erybody like tell, “Bummahs! Bummahs!”

Hosea 3:1

Da One In Charge tell me, “Go show yoa wife one mo time dat you get love an aloha fo her, no matta anodda guy love her an she stay fool aroun wit him. Go love her, jalike me Da One In Charge still love da Israel peopo, no matta dey turn away an go wit odda gods, an dey plenny ono fo eat da raisin cakes from da ceremonies fo da odda gods.”

1 Samuel 25:18

Abigail, real fas she take two hundred breads, two goat skins wit wine inside, meat from five sheeps dat stay ready fo barbeque, bout 20 poun wheat dey wen roas, one hundred raisin cake, an two hundred fig cake, an put um on top some donkeys.