1 Records 11:14 - Hawaii Pidgin Bible

¹⁴ But Eleazar an David, dey stan up agains da Filisha guys inside da middo a da field. Dey stay fight fo keep dat part, an wack da Filisha guys, an Da One In Charge make da Israel guys win big time.

1 Records 11:14 ပူးပေါင်းရင်းမြစ်များ

2 Samuel 23:10

But Eleazar, he no move from dea, an he kill da Filisha guys till his arm come sore an tired. He no can move his arm, an his hand stick to his sword. Dat time, Da One In Charge make da Israel guys win big time. But wen da odda Israel army guys come back by Eleazar, da ony ting dey do was rip off da mahke guys, an take dea body armor an tings fo fight wit.

2 Kings 5:1

Had one guy Naaman, da main leada guy fo da Aram king army guys. He one importan guy fo his boss da king. Da king tell, Naaman, az his Numba One Guy. Da Aram guys win all dea wars cuz Da One In Charge help Naaman. He know how fo fight real good. But he get one bad kine sick all ova da skin dat odda guys can catch.

1 Records 11:13

He wen stay wit David Pas-Dammim side wen da Filisha guys come togedda ova dea fo fight da Israel peopo, one place inside one field wea get plenny barley. Da Israel guys run away from da Filisha guys.

1 Records 11:15

Anodda time, da Big Three army guys from da thirty leada guys go down wea David stay, wea get one cliff nea da Adullam cave. Az da same time da Filisha guys make camp inside da Refaim Valley.

Songs 144:10

Cuz you da one Dat get king guys outa trouble, An no let nobody come afta me, David, yoa worka guy, Wit one sword fo kill me.

Songs 18:50

Me, I da king dat stay work fo you, An you make me win da war plenny times. You wen pick me An put oil on top my head fo show dat. An you goin stay tight wit me foeva, Tight wit me, King David, An wit all da odda king guys dat goin come from me.

Smart Guys 21:31

You can make yoa horse ready fo da war, But Da One In Charge, Him da One can make you da winna.

1 Samuel 14:23

Dass how Da One In Charge get all da Israel guys outa trouble dat time. Dey fight all da way to Bet-Aven.

1 Samuel 19:5

He almos wen mahke, da time he kill Goliat, da Filisha guy. Dat time, Da One In Charge get da Israel peopo outa trouble big time. You wen see wat happen, an you wen stay good inside cuz a dat. So, how come you like do dis bad kine ting to one guy like David dat neva do notting wrong?! An den, you like kill him an you no even know why!”