1 Records 1:7 - Hawaii Pidgin Bible

⁷ Javan boys: Elishah, Tarshish, da Kittim peopo an da Rodanim peopo.

1 Records 1:7 ပူးပေါင်းရင်းမြစ်များ

Start 10:4

Da ohana dat come from Javan: Elishah, Tarshish (dass da Spain peopo), Kittim (dass da Cyprus Islan peopo), an Dodanim (dass da Rhodes Islan peopo).

1 Records 1:6

Gomer boys: Ashkenaz, Rifat, an Togarmah.

1 Records 1:8

Ham boys: Cush, Mizraim, Put, an Canaan.

Songs 72:10

I like fo da king guys from Spain An all da islans Come back to oua king Fo give um gifs. I like fo da king guys From Yemen an Ethiopia Bring wat dey owe Fo show he da boss fo dem.

Isaiah 23:1

Me, Isaiah, I get heavy kine stuff fo tell bout wat I see goin happen to da Tyre peopo: All you guys inside da boats dat go Spain side, Cry an yell cuz you stay sad inside. You guys no mo house now, No mo place fo da boats fo go in. Wen da boats come back from Spain An stop Cyprus Islan, Den somebody tell dem Dat Tyre town stay all bus up awready.

Isaiah 23:12

He tell da peopo inside Sidon town “You no goin feel good bout notting no moa! You guys goin be jalike one young wahine Dat get rape. Even if you guys go ova dea Cyprus Islan, You guys no goin res dea.”

Isaiah 66:19

“I goin do one awesome ting wea my peopo stay. Den I goin sen some a da peopo dat still yet stay alive to da odda countries: to Spain, an Libya, an Lydia (wea get plenny guys dat know how fo use da bow an arrow), an Tubal, an Greece. Dey even goin go to islans dat stay far away, wea get peopo dea dat neva hear bout me, an neva see how awesome I stay. Dey goin tell da diffren peopos ova dea, how awesome I stay.

Jeremiah 2:10

“Go take da boat da west side Cyprus Islan An da odda islans ova dea fo look how da peopo ack. Sen peopo east side by da Arab peopo an scope um out, Fo see if someting stay happen ova dea, jalike wat stay happen ova hea.

Ezekiel 27:6

Dey take oak trees from Bashan Fo make da oars. Dey take da cypress wood from da Cyprus Islan coast Fo make da planks, an dey put ivory inside fo make um look nice.

Ezekiel 27:7

You fly yoa sail, dat you make from embroidery kine linen from Egypt. Az jalike one flag fo you. You make yoa bimini covering from da blue an purple stuff From da Elishah coases Cyprus Islan.

Daniel 11:30

Da navy boat guys from da west side goin go agains him. An cuz a dat, da Syria king no goin like fight no mo an go back home. He goin talk real bad agains God spesho deal, an do any kine agains God. Wen he go home, he goin make nice an lissen da peopo dat no like God spesho deal.

Census 24:24

Goin get big boats come from aroun Cyprus Islan. Dey goin win ova da Asshur peopo an da Eber peopo. But da Cyprus Islan boats goin come wipe out too, foeva.”