1 Records 1:17 - Hawaii Pidgin Bible

¹⁷ Shem boys: Elam, Asshur, Arpakshad, Lud, an Aram. Aram boys: Uz, Hul, Beter, an Meshek.

1 Records 1:17 ပူးပေါင်းရင်းမြစ်များ

Start 10:21

Shem was Jafet older braddah, an he get boys too. So all da diffren peopos dat come from Eber, Shem dea ancesta, cuz Eber come from da Shem ohana.

Start 11:10

Dis da Shem Ohana story. Two year afta da big watta, Shem was hundred year ol. Dass wen he get one boy Arpakshad.

Start 14:1

Dat time, had one king, King Kedorlaomer from Elam town dat wen take ova plenny odda towns all ova da place. Fo twelve year, him an three odda king guys from da big towns da east side aroun Babylon wen stay go togedda fo give hard time to da peopo dat live aroun da valley wea Lot stay live. Dea names, King Kedorlaomer from Elam, King Amrafel from Shinar, King Ariok from Ellasar, King Tidaal, da king guy fo diffren peopos. Dem four king guys an dea army guys, ery year dey put presha on da peopo dat live west side aroun Sodom. Da peopo dat side get five king guys fo dea big towns. Dea names, King Bera from Sodom, King Birsha from Gomorrah, King Shinab from Admah, King Shem-Eber, da king guy fo da Zebo peopo, Da king from Bela. (Bela, dass da place dey call Zoar too, you know.) All dat time, da king guys from Babylon side make da king guys from Sodom side pay um plenny ery year. But afta dey pay fo twelve year, year numba thirteen, da five king guys from Sodom an Gomorrah side no pay notting. Dey go get all dea army guys togedda fo get ready wen da Kedorlaomer guys come back da nex time fo make war. Dey put togedda one big army inside da Siddim Valley, wea get da Big Salt Lake inside.

1 Records 1:16

da Arvad peopo, da Zemar peopo, an da Hamat peopo.

1 Records 1:18

Arpakshad da faddah fo Shelah. Shelah da faddah fo Eber.

Ezra 4:2

Cuz a dat, da peopo dass not Jew guys go by Zerubbabel an da odda leada guys. Dey tell, “Us like work wit you guys fo build da Temple. Cuz us guys pray to yoa God, jalike you guys. From da time King Esarhaddon bring us ova hea from Assyria side, us guys stay make sacrifice to yoa God.”

Songs 83:8

Da Assyria peopo join dem too. Dey all help da peopos Dat get Lot fo dea ancesta. (Time out fo da music.)

Isaiah 11:11

Anodda ting goin happen dat time: Da One In Charge a me goin go bring back all his peopo dat still yet stay alive, from Assyria, Egypt, South Egypt, Sudan, West Iran, Babylonia, North Syria, an da islans.

Isaiah 21:2

God wen show me stuff Dat make me come real bum out jalike one bad dream: “Jalike da guy dat like set up his braddahs, He goin do um. Da guy dat like bus up eryting, He goin bus um up. Da Babylon guys goin make plenny peopo suffa an moan, But I goin make da Babylon guys stop all dat! You Elam army guys, go afta Babylon town! You Media army guys, make camp all aroun Babylon too, Fo nobody go inside dea o come outside!”

Isaiah 22:6

Da Elam guys goin shoot dea bow an arrow at da Jerusalem guys From inside da war wagon, Wit odda guys fo drive da horses fo da war wagon. Da guys from Kir goin put up da shield.

Isaiah 66:19

“I goin do one awesome ting wea my peopo stay. Den I goin sen some a da peopo dat still yet stay alive to da odda countries: to Spain, an Libya, an Lydia (wea get plenny guys dat know how fo use da bow an arrow), an Tubal, an Greece. Dey even goin go to islans dat stay far away, wea get peopo dea dat neva hear bout me, an neva see how awesome I stay. Dey goin tell da diffren peopos ova dea, how awesome I stay.

Jeremiah 25:25

all da king guys fo da Zimri, Elam, an Mede peopo,

Ezekiel 27:10

Guys from Persia, Lydia, an Libya, Stay in yoa army too. Dey hang dea shields an helmets on top yoa walls, An dat make you guys look awesome!

Ezekiel 27:23

Peopo from Haran, Canneh, an Eden, an trader guys from Sheba, Asshur, an Kilmad trade wit you.

Ezekiel 32:22

“Da Assyria guys stay dea wit all dea army guys. Dey get graves all aroun fo dea guys dat wen get kill wit swords.

Ezekiel 32:24

“Da Elam peopo stay dea too, an all dea choke plenny peopos aroun da Elam tomb. Dey all get kill wit swords. Dey da ones dat make da peopo sked dat still stay alive. But dey all wen go down jalike da odda peopos dat no mo da mark from God dat show dey his peopo. Dey shame in front erybody, jalike da oddas dat go down inside da Deep Dark Hole.

Daniel 8:2

Fo dis dream, me Daniel stay da Elam districk, inside da part a Susa town dat get strong wall. I stay stan by da side a da Ulai Canal.

Hosea 14:3

Da Assyria peopo no can get us guys outa trouble. We no goin ride war horses fo fight. We no goin tell no mo Dat da tings us guys wen make, dey oua gods. Cuz you da ony One dat show love an pity Fo da kids dat no mo faddah o muddah!’ ”

Census 23:7

An Balaam tell dis spesho message from God: “Balak wen bring me hea from da Aram land. He da king fo Moab. He call me from da mountains da east side a my land. He tell me, ‘Go come! Put kahuna on top da Jacob peopo fo me! Tell um how mad you stay wit dem!’

Luke 3:36

Shelah, he Cainan boy; Cainan, he Arfaxad boy; Arfaxad, he Shem boy; Shem, he Noah boy; Noah, he Lamek boy;