1 Peter 5:3 - Hawaii Pidgin Bible

³ No try make jalike one big boss ova da peopo God wen give you, but show dem how fo live.

1 Peter 5:3 ပူးပေါင်းရင်းမြစ်များ

Songs 33:12

Da country dat get Da One In Charge fo dea God, Eryting goin go good fo dem. Dey goin be da peopo Dat God pick fo be his peopo.

Songs 74:2

No foget da peopo dat stay come Togedda fo pray to you, Da ones dat long time befo time You wen buy um Fo be one peopo Dat stay tight wit you. No foget Mount Zion, wea get Da Temple wea you stay.

Ezekiel 34:4

You guys no make da weak animals strong, o make da sick animals come good, o wrap up da animals dat get hurt. You guys no bring back da animals dat no stay wit da oddas, o look fo da animals dat stay lost. You guys make dem do how you like, an you ack mean to dem.

Micah 7:14

Den da peopo tell: “You Da One In Charge! Carry yoa club an come Jalike one sheep guy proteck his sheeps. Lead yoa peopo jalike dey yoa sheeps, Dey da peopo I wen give you jalike dey yoa property. Some a dem live wit nobody inside da fores, But now, give um fields wit green grass fo eat all aroun. I like dem make jalike sheeps Dat eat da green grass Bashan an Gilead side, Jalike befo time.”

Census 18:7

Ony you an yoa boys togedda can do da pries kine work—eryting bout da altar an inside da curtain. Az my present fo you guys, da pries kine work. If anybody dass not yoa ohana go nea da place dat stay spesho fo me, dey gotta mahke.”

John 13:15

I wen show you guys wat fo do, cuz jalike I wen do fo you guys, you guys suppose to do too.

Jesus Guys 20:28

Make shua you leada guys live da way God like you fo live. An take kea all da peopo dat da Good An Spesho Spirit give you guys fo take kea. You guys gotta take kea da church guys jalike one sheep guy take kea his sheeps. Cuz Da One In Charge, Jesus, wen bleed an mahke fo make dem come God kids.

1 Corint 11:11

But wen dey stay tight wit Da One In Charge, da wahine no do notting widout da man, an da man no do notting widout da wahine.

1 Corint 3:5

Apollos, who da guy? Paul, who me? Me an him, we jus helpa guys. We help you guys fo trus Christ. Apollos, he do wat Da One In Charge like um fo do, an me, I do wat Da One In Charge like me fo do.

1 Corint 3:9

Cuz us guys an God, we work togedda. An you guys, you jalike da groun wea God goin plant da seed. An same ting, you guys jalike da building God goin build.

2 Corint 1:24

Us no ack jalike one boss fo tell you guys who you gotta trus. Us work wit you guys fo you stay good inside. An cuz you guys trus God, you guys can stan strong.

2 Corint 4:5

Us guys no talk plenny bout ony us. We talk plenny bout Jesus Christ, Da One In Charge. We ony tell us come fo kokua you guys cuz us Jesus guys.

Rules Secon Time 32:9

Da One In Charge wen pick his peopo, Fo come dea God. Da peopo dat come from Jacob, Dey his property.

Philippi 3:17

Eh, my braddahs an sistahs! Help each odda ack how I ack. Get odda guys dat do jalike I do. Make jalike dem guys too. You guys get all us guys fo copy fo you guys do jalike us do.

Philippi 4:9

Eryting you guys wen learn from me, eryting I wen give you guys, eryting you wen see an hear wen I was wit you guys—go do um! Den, da God dat can make you guys so notting bodda you, he goin stay wit you guys.

1 Tessalonika 1:7

So den, wen da peopo Macedonia an Akaia side dat stay trus Christ wen find out how you guys ack, dey wen start fo ack lidat too.

2 Tessalonika 3:9

Yeah, us guys had da right fo tell you guys fo give us da stuff we need, but we neva like do dat. We wen like show you guys how us guys do eryting fo you guys learn fo make jalike us.

1 Timoty 4:12

No let nobody give you attitude jus cuz you mo young den dem, but make good fo da peopo dat trus God fo show dem how fo ack—how you talk, how you ack, how you get love an aloha fo da peopo, how you trus God, an how clean you stay inside.

Titus 2:7

Wateva you do, do good kine stuff fo show dem how dey suppose to ack. Wen you teach, make shua wat you tell an wat you do tell da same ting. Teach cuz you like teach, an be one solid kine guy fo da odda peopo get respeck fo you.

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.