1 Peter 4:2 - Hawaii Pidgin Bible

² Az why you guys, all da time you stay inside dis world, you no goin like do da bad kine stuff da odda guys like do cuz dass how dea body like do. But fo you guys, you ony goin do wat God like you fo do all da time you live inside yoa body.

1 Peter 4:2 ပူးပေါင်းရင်းမြစ်များ

Songs 143:10

Teach me how fo do Wat you like me fo do, Cuz you da God fo me. I like fo yoa good Spirit show me How fo walk strait so I no jam up. Jalike I stay walk on top flat groun.

Hosea 6:7

“But jalike Adam wen do, dey wen broke da deal dey get wit me. Da way dey ack, I no can trus dem.

Matthew 12:50

Cuz whoeva do da tings my Faddah in da sky tell um fo do, dey my braddah an my sistah an my muddah.”

Matthew 20:4

He tell um, ‘Go work inside my grape farm too, an I pay you guys wateva stay right.’ So dey go.

Matthew 21:31

How you guys figga? Wat boy wen do wat da faddah like?” Dey tell him, “Da firs boy, fo shua.” Jesus tell, “Dass right! I tell you guys, da guys dat colleck tax money fo da govmen, an da wahines dat fool aroun fo money, dey goin get God fo dea king befo you guys get um.

Matthew 7:21

“Goin get peopo dat stay tell me, ‘Eh Boss! Boss!’ But not all a dem goin get God in da sky fo dea King. Ony da peopo dat do wat my Faddah in da sky like, dey goin get him fo dea King.

Mark 3:35

Whoeva do wat God like, dey my braddah an sistah an muddah!”

Mark 7:21

Get all kine bad kine stuff come out from inside peopo. Dass how erybody tink how dey can do bad kine stuff: dey not married to da one dey fool aroun wit; dey rip off da odda peopo; dey murda peopo; dey married an still yet go fool aroun;

John 1:13

Da way dey born, az not jalike how one faddah like get kids. Dey come God kids cuz God give um his life inside.

John 7:17

If anybody like do wat God like um fo do, dey goin know if da stuff I stay teach come from God, o if ony come from my head.

Rome 12:2

Eh! No do wat da peopo nowdays stay tell you fo do! Mo betta, you guys let God make you guys tink diffren kine inside, fo you tink diffren bout eryting. Den you can figga wat God like you fo do. An da ting God like you fo do, stay good, make God stay good inside, an erytime stay perfeck.

Rome 14:7

Eh, you know, wit us guys, wen we stay alive, we no live fo ony us. Wen we mahke, same ting, we no mahke fo ony us too.

Rome 6:11

Az why, same ting wit you guys, jalike wat wen happen wit Jesus Christ: You guys awready pau do da bad kine stuff jalike you mahke. An you guys can live fo God, cuz now you guys stay tight wit Jesus Christ.

Rome 6:2

Eh, no ways! Da bad kine stuff no mo powa ova us guys no moa! Az jalike we mahke awready. Cuz you know, one mahke guy no can do notting bad. If us stay jalike we mahke, how us goin do bad kine stuff? No ways!

Rome 7:4

Same ting wit you guys, my braddahs an sistahs! Christ wen mahke, his body, eryting. Same ting, jalike you guys wen mahke too wen Christ mahke. Az why now you free up from da powa dat da Jew kine Rules get ova you. Cuz now dey not fo you guys no moa. Jalike Christ mahke on top da cross, az how now you guys mahke an come Christ guys too. You guys stay tight wit him, da one dat wen come back alive afta he mahke. Dis jalike da wahine can marry anodda guy now an no mo problem. Az why now, you free up fo live da right way, jalike yoa life show fruit. Den odda peopo can see how fo trus God jalike you guys.

2 Corint 5:15

Christ wen mahke fo erybody. Az how come da peopo dat stay alive fo real kine no do stuffs fo ony dem no moa. Dey do eryting ony fo Christ, da Guy dat wen mahke fo dem an wen come back alive.

Efesus 2:3

An you know wat? All us guys dat time stay ack da same way, jalike da peopo dat go agains God. Eryting oua body like us fo do, we do um. Da way us feel, an da way us tink, we jus do um. Inside we stay jalike da odda peopo. But God had it wit all da kine tings we stay do.

Efesus 4:17

I get da right fo tell you guys dis cuz Da One In Charge make me his guy: No make no mo jalike da odda kine peopos all ova da world dat donno God. How dey ack, dey ony do stuff dass wase time.

Efesus 5:17

Az why, you guys betta tink befo you do stuff. Try fo undastan wat Da One In Charge like you guys fo do.

Efesus 6:6

No good if you ony do yoa work if yoa boss stay watch you, o fo make peopo feel good bout you. Mo betta you do wat God like you fo do cuz you like do um cuz Christ da One you stay work fo.

Colosse 1:9

Dass why we still yet stay pray fo you guys, from da firs time Epafras wen tell us how you guys stay. We tell God fo give you guys all da tings you guys need fo find out wat he like you guys do. Den you guys goin know wat fo do ery time, an God Spirit goin help you guys undastan da whole ting.

Colosse 3:3

Now God take kea you guys, cuz jalike you guys wen mahke wit Christ, but now you guys stay tight wit him an you get da real kine life.

Colosse 4:12

Epafras, da odda guy from Colosse, he like tell you guys “Aloha!” too. He one worka fo Christ Jesus. He erytime pray hard fo you guys, fo you guys come mo solid inside an know fo shua wat God like you guys fo do.

1 Tessalonika 5:18

No matta wat happen, tell God “Mahalo plenny!” Dass wat God like fo you guys do cuz you guys stay tight wit God Spesho Guy Jesus.

Hebrews 13:21

So, I like God make you guys ready fo do eryting good dat he like you guys fo do. I like him fo do stuff inside us guys dat make him stay good inside. He do dat cuz Jesus Christ give us da powa dat we need. An I like fo erybody tell how awesome Jesus stay, foeva an eva! Dass it!

James 1:18

God wen plan dis fo us: He tell us guys wass true. Az how he give us his kine life. From all da tings he wen make hea inside da world, he make us guys spesho kine, jalike us da bestes fruits, da kine dat da farma guy pick firs fo make present to God.

1 Peter 1:14

Now you guys gotta ack jalike kids dat lissen dea muddah an faddah. No follow da bad kine stuff dat you guys like do befo time. Eh, dass wen you guys neva know notting!

1 Peter 2:1

So den, no do no bad kine stuffs. No bulai nobody. No tell one ting an do anodda. No get jealous. No talk bad.

1 John 2:17

Dis world an all da stuff da peopo like get, dat goin pau. But da guy dat do wat God like him fo do, he goin live fo real foeva!