1 Peter 2:6 - Hawaii Pidgin Bible

⁶ Cuz inside da Bible, God tell, “Eh, try look. I put down da corna block inside Zion, Dass da one I wen pick. Dat stone real importan fo me. Anybody dat goin trus him plenny, Dey no need worry notting.”

1 Peter 2:6 ပူးပေါင်းရင်းမြစ်များ

Start 49:24

But Joseph guys, dea bow neva lose fight An dea arm stay strong fo move quick. Az cuz me Jacob, I pray to da Strong God. Az why he make Joseph guys come strong too. God jalike da Sheep Guy dat take kea me, Jalike he da Big Rock dat stay help me, Israel.

Songs 40:14

All da ones dat like kill me, I like dem fall down an come shame. Da ones dat feel good inside Wen someting bad happen to me, I like God make dem plenny shame.

Songs 89:19

Eh God! Long time befo time, You wen talk inside one dream, To da peopo dat stay tight wit you. Dis wat you wen tell: “Me, I wen pick one army guy An help him fo come strong. I wen pick one guy from da peopo Fo make him come big.

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Isaiah 41:11

“But erybody dat go agains you guys, Dey goin come shame an lose face fo shua. Erybody dat stan up agains you guys, Dey goin mahke an come jalike dey notting.

Isaiah 42:1

Da One In Charge tell, “Dis da guy dat work fo me. I kokua him. He da guy I pick awready. I feel good inside cuz a him. My Spirit stay inside him. He goin do wass right Fo all da peopo inside da diffren countries.

Isaiah 46:13

I stay do wass right erytime, An I goin come nea you! I no stay far. I no goin wait long time Fo get my peopo outa trouble. On top Mount Zion I goin get da Israel peopo outa trouble, An dey goin tell peopo how awesome I stay.

Isaiah 50:7

Da One In Charge a me, He da One help me. Dass how come I no come shame Cuz a wat dey do. Dass why I stick wit wat I goin do, An I no goin change my mind. I stay shua dat I no goin come shame.

Isaiah 54:4

“Eh my peopo! No sked, cuz you no goin come shame no moa. Cuz nobody goin make you come shame. Jalike da wahine dat no mo her kids, But now she get um, She foget her was shame Befo time wen her was young. Jalike she goin foget How bad peopo wen make her feel Wen her no mo husban.

Daniel 10:21

But still yet, I goin tell you wat stay write inside da Book Dat Tell Da Trut. (Gabriel tell: No mo nobody help me agains dose bad spirits dat stay in charge a da odda countries. Ony Michael, da main angel guy fo you Israel guys, he help me.”

Zekariah 10:4

One guy az importan jalike one corna block stay importan fo one building goin come from da Judah ohana. One guy goin stay importan Jalike one tent peg stay importan fo one tent, An importan jalike one bow stay importan fo fight. Ery leada guy goin come from Judah!

Matthew 12:18

“Eh, try lissen! Dis da guy dat work fo me. He da guy I wen pick. I get love an aloha fo him, I stay real good inside cuz a him. I goin give him my Spirit, An he goin teach da peopos all ova da world wat stay right.

Mark 12:10

Eh, you guys neva read inside da Bible bout da stone dass jalike me? Da Bible tell, “ ‘Had one big stone, Da builda guys tink, “Poho! Dis stone junk!” An dey no take um. But dat stone, Dass da corna block. Da one make da building strong.

Luke 20:17

Jesus look dem in da eye an tell, “Den wat dis mean inside da Bible dat tell, “ ‘Had one big stone, Da builda guys neva like use um, An dey tell dis rock, no good! But dat stone, Dass da corna block Dat make da building strong.’

Luke 23:35

Da peopo stan dea an watch um. Da leada guys fo da Jews make fun a him. Dey tell, “Eh, he wen take da odda guys outa da bad kine stuff dey stay in. If he da Spesho Guy God Wen Sen fo real kine, how come he no can get outa dis now?!”

John 7:38

Whoeva trus me, da Bible tell az jalike ‘rivas goin come outa dem dat get plenny watta fo make peopo live fo real kine.’ ”

Jesus Guys 1:16

He tell, “My braddahs an sistahs, wat da Bible tell wen happen awready, an dass how gotta be. King David tell long time befo time bout da guy Judas, cuz da Good An Spesho Spirit wen tell David all dat. Judas, he da guy wen bring da guys dat bus Jesus, an wen show dem wat one him.

Rome 10:11

Jalike da Bible tell, “Whoeva trus God, no way dey come shame, cuz God goin do eryting wat he tell.”

Efesus 1:4

Befo God make da world, he pick us awready fo come his guys an fo stay tight wit Christ. He wen like fo us come good an spesho fo him. So den no goin get nobody fo poin finga us guys. God know eryting bout us guys. He get choke love an aloha fo us.

Efesus 2:20

Dass jalike God wen build one house. Da guys he wen sen all ova fo tell da peopo da Good Stuff bout him, an da guys dat wen go talk fo him, dey jalike da foundation. An you guys, jalike he build you guys togedda on top um. An Jesus Christ, he jalike da corna block.

2 Timoty 3:16

Eh, eryting inside da Bible stay dea cuz God breave um inside da guys dat wen talk fo him befo time. Dass why eryting inside da Bible, az good fo use um fo teach, an fo show wat stay wrong, an fo help peopo no do da bad kine stuff no moa, an fo turn back an stick wit da good kine stuff, an fo teach peopo fo do wass right.

1 Peter 2:4

Stay tight wit Christ. He jalike da main stone da builda guys wen throw out, but den God still wen pick him. He stay alive foeva an God tell he worth plenny!

1 Peter 2:8

An da Bible tell dis too, “Dis da stone dat wen make da peopo fall down.” Dey fall down cuz dey no do wat God tell um fo do. Dass wat God tell goin happen to dem.

2 Peter 1:20

Dis da main ting I like fo you guys know: Eryting da guys dat wen talk fo God wen write inside da Bible, dey neva make um up!

2 Peter 3:16

Erytime Paul write one letta, he talk bout dis kine stuff. Fo shua, get stuff inside his lettas dass hard fo undastan. An get peopo dat no bodda fo learn dis stuff an no stay solid inside. Dey take wat Paul tell an make um all hamajang. Dey do da same ting wit all da odda stuff inside da Bible too. Da guys dat make lidat, dey goin come wipe out fo shua.