1 Peter 2:15 - Hawaii Pidgin Bible

¹⁵ Dass why God like you guys fo do da good kine stuff fo da guys dat donno notting an no tink right, so no mo nobody can poin finga you.

1 Peter 2:15 ပူးပေါင်းရင်းမြစ်များ

Job 2:10

He tell her, “You talk jalike one stupid wahine! You tink us goin get ony good kine stuff from God, an no mo bad tings too, o wat?!” Wen all dis stay happen, Job no tell notting bad.

Job 5:16

Den da guys dat no mo notting can trus God an wait. Da guys dat do wass wrong no can open dea mout.

Songs 107:42

Wen da good kine peopo see dat happen, Dey stay good inside. But da bad kine peopo No can tell notting.

Songs 5:5

Da kine peopo dat talk big Dat dey da greates No can stan in front you. You hate all da peopo dat stay do Bad kine stuff.

Smart Guys 9:6

You guys dat donno wat fo do, You gotta change how you stay, Fo you live fo real kine! You gotta stick wit da way Dat goin help you undastan stuff!’ ”

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Matthew 25:2

Five a dem smart, an da odda five stupid.

Matthew 7:26

“All da guys dat hear wat I tell um fo do, an no do um, dey jalike one guy dat no tink, an he build his house on top sand.

Rome 1:21

Dey know bout God, but dey no like tell him, “Eh, you stay awesome cuz you stay God!” Dey no like tell um “Mahalo plenny!” Dass why ony poho wat dey tink bout God. Cuz dey no undastan notting, jalike eryting come all dark inside dem.

Galatia 3:1

You guys from Galatia, all jam up, da way you tink! Who wen put kahuna on top you guys?! From befo time you guys wen hear bout how odda guys kill Jesus Christ on top da cross fo mahke fo us, jalike us make one picha fo you see real good.

Rules Secon Time 32:6

You guys figga, az how you goin pay back Da One In Charge. You goin do pilau kine stuff, o wat?! You guys stupid! You guys donno wat fo do! God, he yoa Faddah, He da One wen make you guys, so he own you, He wen make you guys come one solid nation.

1 Tessalonika 4:3

Now dis wat God like fo real kine. He like you guys be good an spesho fo him, an no go fool aroun da guys o da wahines.

1 Tessalonika 5:18

No matta wat happen, tell God “Mahalo plenny!” Dass wat God like fo you guys do cuz you guys stay tight wit God Spesho Guy Jesus.

1 Timoty 1:13

You know, befo time I wen talk real stink an bulai bout God, an make his peopo suffa, an bus um up. But no matta, Jesus still yet wen give me chance, cuz I neva know wat I stay do, an I neva trus him dat time.

Titus 2:8

Da stuff you tell, gotta be solid, fo nobody tell you donno wat you stay talking bout. Den, if get one guy dat no like wat you tell, he goin come all shame, cuz he no can tell us guys do bad kine stuffs.

Titus 3:3

You know, befo time us guys was stupid too. We neva like do wat we suppose to do. We lissen wen odda peopo bulai us. We ack jalike we gotta do wateva we like do, watevas dat feel nice. All da time, we wen do bad tings to da peopo, an stay jealous a dem. Odda peopo wen hate us, an we hate dem too.

1 Peter 2:12

Make shua you guys do da right tings in front da peopo dat donno God, so dat no matta dey poin finga you guys now, dey goin ony see da good kine stuff you guys do. Den wen Christ come back, dey goin tell how awesome God stay.

1 Peter 3:16

But tell um nice kine, an show respeck to dem cuz you know you stay do da right ting. Goin get guys dat talk bad bout you guys, no matta you guys do good kine stuff cuz you stay tight wit Christ. Dem guys goin come shame cuz dey wen talk any kine bout you guys.

1 Peter 3:17

Mo betta you guys suffa fo do da right ting den fo do da bad ting, if dass how God like you suffa.

1 Peter 4:2

Az why you guys, all da time you stay inside dis world, you no goin like do da bad kine stuff da odda guys like do cuz dass how dea body like do. But fo you guys, you ony goin do wat God like you fo do all da time you live inside yoa body.

2 Peter 2:12

But dose teacha guys, dey like talk bad bout da kine stuff dey no undastan. Dey jalike da animals dat no can tink. Dey ony good fo somebody grab um an wipe um out. Dey goin come wipe out fo shua.

Jude 1:10

But dose buggahs, dey erytime talk bad bout wateva dey no undastan. Jalike da wild animals, dey no tink wen dey do tings. An dat kine stuff goin wipe dem out.