1 Peter 1:24 - Hawaii Pidgin Bible

²⁴ Da Bible befo time tell, “Erybody stay jalike one grass, o one flowa. Dey ony nice fo short time. Den da grass all dry up An da flowa fall down. Den dey come poho an mahke,

1 Peter 1:24 ပူးပေါင်းရင်းမြစ်များ

2 Kings 19:26

Da peopo dat live dea, no mo powa. Dey lose fight an come shame. Dey stay jalike da plants inside da field, Jalike da young grass plants, Jalike da grass on top da flat roofs Dat da sun burn befo can come up strong.

Job 14:2

Us grow jalike one flowa, an den quick, us come all dry up. Us jalike one shadow dat disappea right den an dea, An no stay.

Songs 102:4

I stay all bus up, Jalike da grass Wen peopo step all ova um, Jalike inside, I stay all hamajang. Da way I feel, I even foget fo eat,

Songs 103:15

Da peopo, dey live ony short time, Jalike da grass. Dey no stay long time. Jalike wen da wild flowa come out,

Songs 129:6

Us guys like dose peopo come Jalike da kine grass dat come out From one crack in one flat roof, Dat come all dry Befo you pull um out.

Songs 37:2

Cuz dey goin dry up fas Jalike da grass. Dey goin mahke jalike da green grass.

Songs 39:6

“Peopo jalike one shadow Stay walking aroun. Dey run aroun plenny, But ony wase time, Jalike da wind dat come an go. Dey pile up plenny stuffs, But dey donno who goin get da stuffs Afta dey mahke.”

Songs 90:5

You knock out peopo Fo make dem mahke, So dey donno wass happening. Da peopo, dey jalike da grass Dat come up morning time.

Songs 92:7

Dis wat dey no undastan: No matta da bad kine peopo come up All ova da place jalike grass, An all da bad guys Dat stay do wass wrong Look good, Jalike wen da flowas come out, God goin wipe um out, An dey goin stay wipe out foeva!

Isaiah 51:12

Da One In Charge tell, “Me, I da One Dat give you guys good kine words An make you feel good. But how come you sked a peopo Dat ony goin mahke bumbye?! Da peopo dat goin mahke jalike da grass?!

Matthew 6:30

Da grass inside da field stay grow today, but tomorra dey goin throw um inside da fire. God give da grass clotheses lidat, so garans he goin give you guys clotheses. You guys ony trus God litto bit!

James 4:14

Eh, you guys! You guys donno wat goin happen tomorra, o how yoa life goin be! You jalike da morning kine cloud dat come way down. You spock um one short time ony, an den, dey go way.

1 John 2:17

Dis world an all da stuff da peopo like get, dat goin pau. But da guy dat do wat God like him fo do, he goin live fo real foeva!