1 Kings 9:25 - Hawaii Pidgin Bible

²⁵ From da time Solomon pau build da Temple, he make one sacrifice three time ery year on top da altar dat he wen build fo Da One In Charge. He make da kine sacrifice you burn up da whole animal, an da kine sacrifice dat show eryting stay good wit you an God, an he burn um up dea in front Da One In Charge.

1 Kings 9:25 ပူးပေါင်းရင်းမြစ်များ

1 Kings 6:14

Solomon pau build da Temple.

1 Kings 6:38

Seven year layta, Octoba, year numba 11 he was king, dey pau build da Temple. Eryting stay jalike Solomon wen plan um.

1 Kings 6:9

Dass how da worka guys fo King Solomon wen pau build da Temple. Dey put cedar wood beams an board fo build da roof.

1 Records 23:13

Da ones dat come from Amram: Aaron an Moses. Aaron an his boys come one spesho blood line foeva. Az cuz dey da ones get da kuleana fo make tings come spesho fo Da One In Charge. Dey make da sacrifices in front Da One In Charge. Dey do all da religious pries kine stuff fo him. Dey tell God fo do good tings fo da peopo foeva, cuz da Aaron guys, dey Da One In Charge guys.

2 Records 29:11

Eh my boys, no foget yoa kuleana now. Cuz Da One In Charge wen pick you guys fo stan in front him an do his work, fo come his worka guys an fo burn up da sacrifices.”

2 Records 34:25

Cuz da peopo wen bag from me. Dey make sacrifice fo da odda gods. I stay real piss off cuz a all da idol kine stuff dey wen make wit dea hands. I goin stay real huhu wit dis place, an no mo notting goin change dat!’

2 Records 8:16

Dey do all Solomon work from da day dey put da foundation fo da Temple Fo Da One In Charge till dey pau build da whole ting. Dass how dey pau build da Temple Fo Da One In Charge.

Outa Egypt 30:7

Aaron gotta burn da kine incense dat smell real good on top da altar. Ery day, morning time, wen he take kea da olive oil lamps, he goin do dat,

Outa Egypt 34:23

Three time ery year, all yoa guys gotta come togedda in front me, cuz I Da One In Charge a you guys. I da God fo you Israel peopo.

Rules Secon Time 16:16

Three times ery year, all da guys gotta show up in front yoa God, Da One In Charge, by da place he goin pick fo da Spesho Religious Ceremony Fo Da Bread Dat No Mo Yeast, fo da Spesho Religious Ceremony Fo Harves Food, an fo da Spesho Religious Ceremony Fo Live In Shacks. Nobody goin come in front Da One In Charge wit notting fo give him.

Local Leadas 11:40

Ery year da young Israel wahines go out fo four days fo tell da sad story bout Jeftah girl from Gilead.