1 Kings 8:65 - Hawaii Pidgin Bible65 Dass how, dat time, Solomon wen make da spesho religious kine ceremony. All da Israel peopo wen come dea togedda fo be wit Solomon, from Lebo-Hamat north side to da Egypt Borda Stream. Dey stay togedda in front oua God, Da One In Charge, seven days, den anodda seven mo days, az fourteen days in all. အခန်းကိုကြည့်ပါ။ |
Den King Solomon wake up, an he know was God wen talk to him inside da dream. He go back Jerusalem side, an stan in front da Box Fo No Foget Da Deal Wit Da Boss. He make one sacrifice dat you burn up, an da kine sacrifice fo tell God dat eryting stay good. He make one party fo all da peopo dat work fo him.
Jeroboam Numba Two, he da one dat take back da Israel land all da way from Lebo-Hamat north side to da Arabah Lake dat dey call da Big Salt Lake, south side, jalike was befo time. Dat happen jalike wat Jonah wen tell goin happen. He Amittai boy from Gat-Hefer, dat wen talk fo Da One In Charge, da God fo da Israel peopo, befo time. Jonah wen work fo God, an he tell dat Israel goin get back dea land.
Dat time, Da One In Charge goin pick his peopo Jalike wen peopo wack da wheat o barley dey wen harves Fo get da good wheat one side an da junks da odda side. He goin take you Israel peopo, one by one, An bring you togedda, Jerusalem side, Even from da big Eufrates Riva An from da stream dass da borda fo da Egypt land.
But you know wat Da One In Charge tell, da God Ova All Da Armies? He tell dis: “Eh, you guys from da Israel ohana! I goin bring one army from anodda country Ova hea fo go afta you guys. Dey goin make you guys suffa plenny, an chase you all da way From Hamat Pass, north side, All da way thru da Arabah Valley, south side!”
You guys tell yoa peopo, ‘Go da towns da Assyria army guys take ova awready, Go Kalneh an scope um out, An go come back by da big town Hamat, Den go makai side by da Filisha peopo, Gat town.’ You tink you guys land mo betta den dose countries, o wat? You guys tink dea land mo big den yoas, aah? No ways!