1 Kings 8:48 - Hawaii Pidgin Bible

⁴⁸ Ova dea inside dat land Wea da peopo dat make dem prisonas Stay agains my peopo, If my peopo change how dey tink an how dey feel inside, An dey pray to you from ova dea, Facing dis land Dat you wen give to dea ancesta guys, An dis big town you wen pick, An dis Temple dat I wen build Fo show wat kine god you,

1 Kings 8:48 ပူးပေါင်းရင်းမြစ်များ

Daniel 6:10

Wen Daniel find out dat da king sign da paypa fo da rule, he go home inside his house. Da windows fo da top room stay open an face Jerusalem. Three time ery day inside dat room, Daniel go down on top his knees fo tell God “Mahalo plenny!” cuz he do good tings. Wen he pray, he tell God he da bestes, jalike how he do befo time.

Rules Secon Time 4:29

But wen you guys stay ova dea, if you fo real kine like go all out fo know yoa God, Da One In Charge, you goin find him.

Jonah 2:4

I figga lidis: ‘God, he wen throw me out! He make me go wea he no can see me! But still yet, I goin see one mo time Da Temple dass spesho fo God!’

Nehemiah 1:9

But if you guys come back an change how you ack, be my guys, an stay do all da tings I tell you gotta do, den I goin bring you guys back. I goin bring you guys togedda ova dea, da place I wen pick fo show wat kine god me fo you guys show respeck fo me. No matta you guys stay far place all ova da world, I goin bring you guys back!’

Rome 10:10

Dass cuz inside you trus God, an den he make you get um right wit him. An dass cuz you tell in front erybody dat Jesus stay Da One In Charge a you, an den God goin take you outa da bad kine stuff you do.

Jesus Guys 8:36

Den dey go down da road litto mo, an dey come by some watta. An da guy tell, “Look ova dea! Get watta. You can baptize me ova dea, o wat?”

Daniel 9:13

Jalike Moses wen write inside da Rules, all dis bad kine stuff wen happen to us guys. But still yet we no come back to you, oua God, Da One In Charge a us. Us guys still yet stay do da bad kine stuff. An we no tink bout how eryting you tell stay true.

Jeremiah 24:7

I goin give dem da kine heart fo know fo shua who me. Dey goin know dat me, dea God, Da One In Charge! Dey goin come my peopo, an I goin come dea God. Cuz dey goin go all out fo come back by me.’

Jeremiah 3:10

An cuz a wat da Israel peopo stay do, dea sistah guys da Judah peopo, dat stay ack jalike one wahine you no can trus. Dey no go all out fo come back by me. Dey ony ack!” Az da message from Da One In Charge.

Smart Guys 23:26

Eh my boy, let me teach you how fo tink good! Wen you watch how I stay live, I like you stay real good inside bout wat you see.

Songs 119:145

I go all out fo yell fo you help me. Eh! You Da One In Charge! Do someting! Help me fo do wat yoa Rules tell!

Songs 119:10

Eh God! I go all out fo find you. Eh! No let me get side track From da tings you tell me fo do!

Songs 119:2

Get peopo dat lissen up real good Erytime Da One In Charge Tell um watch out fo someting. Dey stay try fo know him Wit one good heart. Dey da ones can stay good inside!

1 Kings 8:49

Den lissen dem From inside da sky, wea you live. Lissen how dey pray to you, An da tings dey beg you fo do, An do da right ting fo dem.

Daniel 9:5

But us guys wen go buckaloose an do bad kine tings. Us guys do wass wrong. Us guys do da kine stuff we not suppose to do. Us guys go agains you, Da One In Charge, an us make deaf ear fo wat you tell us fo do. We wen bag from da rules you make dat show us wass right an wass wrong cuz you da Judge.

Zekariah 10:9

No matta I wen scatta dem wea da odda peopos stay, Still yet dey no goin foget me from da lands far away. Dem an dea kids goin stay alive, An dey goin come back.

Prieses 26:40

“But maybe dey tell az was wrong, all da bad kine stuff dem an dea ancesta guys wen do. O maybe dey tell az was wrong fo broke my rules an no stay tight wit me. O maybe dey tell az wrong fo dem stay piss off wit me.

1 Kings 8:33

“An bumbye, yoa Israel peopo Goin go do bad kine stuff An go agains you. Cuz a dat, da peopo dat stay agains dem Goin fight um an win. But wen yoa peopo turn aroun An come back to you, An tell dat dey yoa peopo fo real kine, An dey come dis Temple fo pray to you An beg you fo help dem,

2 Kings 23:25

From all da kings dat come befo Josiah, an all da kings dat come afta him, neva get even anodda king jalike Josiah. Az cuz he tell “Laytas” to wat da king guys befo him stay do, he go all out fo come tight wit Da One In Charge wit all his powa an eryting inside him. He do eryting jalike all da Rules from Moses tell.

Daniel 6:11

Den dose guys dat stay agains Daniel go his house all togedda an see him pray an aks God fo help him.