1 Kings 8:36 - Hawaii Pidgin Bible

³⁶ Den I like you lissen from da sky, An let go yoa Israel peopo Fo da bad tings dey wen do, An hemo dea shame! Teach dem da right way fo live, An let da rain come down on top da land, Dat you wen give yoa peopo fo come dea land.

1 Kings 8:36 ပူးပေါင်းရင်းမြစ်များ

1 Kings 18:1

Long time afta dat, da numba three year dat no mo rain, one message come from Da One In Charge fo Elijah: “Go talk to King Ahab. Cuz now, I goin make rain come down on top da groun.”

1 Kings 18:41

Den Elijah tell King Ahab, “You go home now, fo eat an drink. Cuz soun jalike goin get heavy rain!”

1 Kings 18:45

An mo an moa, da sky come dark wit clouds an wind. Den start fo rain hard. Ahab ride his war wagon fo reach Jezreel town.

Songs 119:133

Make shua wen I walk, I no fall down, Jalike you wen make One promise fo do. No let da bad kine peopo take ova me.

Songs 119:33

Eh! You Da One In Charge! Teach me how fo live Da way you tell I gotta live. Den, I goin go fo broke An do wat you tell me fo do.

Songs 143:8

Ery day, morning time, I like hear from you Bout how you stay tight wit me, Cuz I stay trus you fo eryting inside. Let me know da way I suppose to go, Cuz you da One fo me talk to.

Songs 25:12

Da ones dat feel jalike dey sked an shaking Wen dey stay in front Da One In Charge, Dey da ones Da One In Charge goin teach Wat way fo go.

Songs 25:8

Da One In Charge, he good An he stay do wass right. Dass why he stay show Da peopo dat do bad kine stuff Da right way fo go.

Songs 27:11

Eh! You Da One In Charge! Teach me how fo live yoa way! Show me da bestes way fo do da right ting, Cuz get plenny peopo dat stay agains me, An dey stay watch me.

Songs 32:8

Da One In Charge tell: “I goin help you undastan An show you da way you suppose to go. I goin tell you wass da bestes ting fo you fo do, Cuz I stay watch out fo you.

Songs 5:8

Eh! You Da One In Charge! Cuz you do da right ting erytime, Show me da way fo go! Cuz get plenny peopo dat stay agains me, Make um fo me do eryting da way you like.

Songs 68:10

Yoa peopo live ova dea. God, you good, An az why you make shua Dat da peopo dat no mo notting Get wat dey need.

Songs 68:9

God, you wen dump Plenny rain on top da land, Cuz you like give rain, no matta you no need do dat. No matta da land you own Stay poho dat time, You fix um.

Songs 86:11

Eh! You Da One In Charge! Teach me how fo live da way you like. Fo me live da way you like me fo live. Let me go all out fo dis one ting: Fo show you respeck fo real kine Cuz I know wat kine god you!

Songs 94:12

Eh! Da One In Charge, Da peopo you tell um wen dey wrong Fo help um learn stuff, Da ones you teach from yoa Rules, Dey can stay good inside!

Isaiah 30:21

Den, even if you go da wrong way, Jalike you leave da road An go da right side o da lef side, You goin hear somebody behind you tell, “Eh! Da right way stay ova hea! Go dat way!”

Isaiah 35:8

Dat place, one build up road goin stay ova dea. Peopo goin call um “Da Road Fo Go By Da God Dat Stay Good An Spesho.” Goin be fo da peopo dat stay tight wit God. Da peopo dat do bad kine stuff dat make um so dey no can pray, Dey no can go on dat road. But anybody dat go dat way, Even da stupid ones, Dey no goin get lost.

Jeremiah 14:22

Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Jeremiah 42:3

We like fo yoa God, Da One In Charge, tell us wea us guys gotta go, an wat kine stuff we gotta do.”

Jeremiah 6:16

Dis wat Da One In Charge tell his peopo: “Stop wen you get to da place wea two roads come togedda an look. Aks bout da ol trails, How peopo wen live befo time. Aks bout how fo find da good way. Den go live dat way! Dass how you guys goin learn how fo live fo no mo notting bodda you. But you guys tell, ‘Us no like live dat way!’

Joel 2:23

You peopo on top Mount Zion, stay real good inside, Cuz yoa God, Da One In Charge, give you plenny rain. He give rain befo da cold time come. Cuz he do da right kine tings. He sen plenny rain befo da cold time An afta da cold time, jalike befo time.

Micah 4:2

Peopo from diffren nations Goin come dea an tell, “Go come! Us go up Da mountain a Da One In Charge, Wea his Temple stay. He da God Jacob wen pray to. He goin show us guys da way he like fo us live, Fo us do wat he tell us fo do, His Rules goin come out from Mount Zion. Wat he tell goin go out from Jerusalem.”

Matthew 22:16

So den dey sen da guys dey stay teach fo go by him, an some King Herod guys too. Dey tell, “Eh, Teacha, we know you tell da trut, an you teach da true kine stuff bout wat God like erybody fo do, no matta wat da peopo tink o who dem.

1 Samuel 12:23

An me, if I wen no pray fo you guys, fo shua az one bad kine ting I wen do agains Da One In Charge. Az why fo shua I goin stay pray fo you guys! An I goin teach you guys da way dat stay good an right.