1 Kings 8:34 - Hawaii Pidgin Bible

³⁴ Den I like you lissen from da sky, An let go yoa Israel peopo Fo da bad tings dey wen do, An hemo dea shame! Bring um back one mo time To da land you wen give to dea ancesta guys.

1 Kings 8:34 ပူးပေါင်းရင်းမြစ်များ

Start 13:15

Cuz all da land you see, I goin give um to you an to da peopo dat goin come from you bumbye. Goin be dea land foeva.

1 Kings 8:30

I yoa worka guy, An I beg you fo lissen, Me an all yoa Israel peopo stay pray togedda Facing dis Temple. From da sky, Lissen to us, An hemo oua shame fo da bad tings us guys wen do!

1 Kings 8:33

“An bumbye, yoa Israel peopo Goin go do bad kine stuff An go agains you. Cuz a dat, da peopo dat stay agains dem Goin fight um an win. But wen yoa peopo turn aroun An come back to you, An tell dat dey yoa peopo fo real kine, An dey come dis Temple fo pray to you An beg you fo help dem,

1 Kings 8:35

“Bumbye, wen yoa peopo do bad kine stuff An go agains you, You goin shut da sky An no let rain come down. But wen dey tink bout dis place An look dis way an pray, An tell dat dey yoa peopo fo real kine, Den dey goin turn aroun An no do bad kine stuff Cuz you punish um awready.

Songs 106:46

Fo all da diffren nations Dat wen take his peopo Away from da Israel land, Da One In Charge make dem Feel pity fo his peopo.

Songs 106:47

Eh! You Da One In Charge! You da God fo us guys! So get us guys outa trouble! Bring us back togedda From wea all da odda peopos live, Fo us guys tell erybody us yoa guys. An we know wat kine god you, Cuz you stay good an spesho. Den we can talk real big Bout how awesome you stay!

Songs 85:2

Da bad tings us Israel peopo wen do, No was right. But you wen hemo oua shame fo dat. You wen take kea a all da bad tings Dat us guys wen do. (Time out fo da music.)

Outa Egypt 6:8

I goin bring you guys ova dea, da same place I stay talk bout dat time I wen make one strong promise to Abraham, Isaac, an Jacob. Me, Da One In Charge, I give dat land to you guys fo you be da ownas.”

Jeremiah 31:27

Da One In Charge tell: “Da time goin come wen da Israel an Judah land goin get plenny peopo an animals, jalike I wen throw seed all ova da place.

Jeremiah 32:37

‘You know wat?! I wen scatta da Israel peopo all ova da diffren lands cuz I real mad at dem! But fo shua bumbye I goin bring dem back togedda an let dem live ova hea, fo dem no need worry bout notting.

Daniel 9:12

You make happen da stuff you wen tell you goin do fo punish us an oua govmen guys wen you make happen all dis bad kine stuff to us. All ova da world, no mo nobody eva do notting lidis befo, jalike you wen do to Jerusalem.

Daniel 9:19

“Boss, try lissen! Boss, hemo oua shame an let us go! Boss, try lissen, an do um! My God, cuz a who you, no wait! Cuz yoa big town an yoa peopo, dey carry yoa name!”

Daniel 9:25

“Know dis an tink plenny bout um: From da time da message come fo go build Jerusalem town one mo time, till one guy come dat God goin pick fo lead da peopo. Dat goin be seven times seven year, an den sixty-two times seven year. Dey goin build Jerusalem town wit open spaces inside an one real strong wall, no matta goin get big trouble dat time.

Amos 7:2

I figga, ‘Wat goin happen wen dem grasshoppas eat up da green plants all ova da land?’ “Den I tell God, ‘Bummahs, God! Yeah, you da Boss! But I tell you, try hemo oua shame fo da bad kine stuff we wen do, an let us go. Cuz if you no like let us go, no way us Israel peopo goin stay alive. Oua Jacob ohana, no mo powa, you know!’

Rules Secon Time 30:1

“Wen all dis good kine stuff an bad kine stuff dat I put in front you guys, come on top you guys, afta yoa God, Da One In Charge, sen you guys all ova da world fo make you live wit diffren peopos, den maybe you guys goin tink real good ova dea bout wat God wen tell you.

Rules Secon Time 30:4

Even if God make you guys go one mo far place unda da sky, from dea yoa God, Da One In Charge, goin bring you guys back togedda from ova dea.

Joshua 21:43

Dass how Da One In Charge give da Israel peopo all da land. Befo time he wen make one strong promise to dea ancestas fo give um da land fo dea property, an dey take um ova, an live dea.