1 Kings 8:30 - Hawaii Pidgin Bible

³⁰ I yoa worka guy, An I beg you fo lissen, Me an all yoa Israel peopo stay pray togedda Facing dis Temple. From da sky, Lissen to us, An hemo oua shame fo da bad tings us guys wen do!

1 Kings 8:30 ပူးပေါင်းရင်းမြစ်များ

1 Kings 8:34

Den I like you lissen from da sky, An let go yoa Israel peopo Fo da bad tings dey wen do, An hemo dea shame! Bring um back one mo time To da land you wen give to dea ancesta guys.

1 Kings 8:36

Den I like you lissen from da sky, An let go yoa Israel peopo Fo da bad tings dey wen do, An hemo dea shame! Teach dem da right way fo live, An let da rain come down on top da land, Dat you wen give yoa peopo fo come dea land.

1 Kings 8:39

Den I like you lissen from da sky wea you stay, An let um go from da bad tings dey wen do, An hemo dea shame, An help um! Ony you know how all dem stay inside, So help all dem, da way dey need help!

1 Kings 8:43

Den lissen from inside da sky wea you stay, An go do someting fo da guys from anodda place Dat aks you fo help um. Wen you do dat, All da diffren peopos all ova da world Goin know wat kine god you. Den dey goin feel jalike dey sked Wen dey come in front you, Same ting jalike yoa Israel peopo feel. An dey goin know Dat dis Temple I wen build, Get yoa name.

1 Kings 8:49

Den lissen dem From inside da sky, wea you live. Lissen how dey pray to you, An da tings dey beg you fo do, An do da right ting fo dem.

2 Records 20:6

He tell: “You Da One In Charge, you da God fo oua ancesta guys. Fo shua you da God dat tell us wat fo do from inside da sky. You da One in charge a da kings ova all da peopos. You strong an get plenny powa fo fight. No mo nobody can stan up agains you.

2 Records 6:21

Lissen da tings me yoa worka guy an yoa Israel peopo pray to you wen we tink bout dis place. Lissen from da sky wea you live, an wen you hear us guys pray, let us go an hemo oua shame.

2 Records 7:14

If dat kine ting happen, maybe den my peopo, da ones erybody know dey my guys, goin make um come not importan. Dey goin pray an try know me fo real kine. An dey goin no do da bad kine stuff dey wen do no moa. Wen dey do dat, den I goin lissen from da sky. I goin let dem go an hemo dea shame fo da bad kine tings dey wen do. An I goin make dea land come good one mo time.

Songs 123:1

I look up fo pray to you. You, da King. Yoa throne Stay inside da sky.

Songs 28:2

Try lissen! Ova an ova, I aks you fo do someting I stay yell to you fo help me. I stay stan nea da mos spesho part a yoa Temple An I put up my hands fo pray to you.

Songs 85:2

Da bad tings us Israel peopo wen do, No was right. But you wen hemo oua shame fo dat. You wen take kea a all da bad tings Dat us guys wen do. (Time out fo da music.)

Outa Egypt 34:6

Den Da One In Charge pass by in front Moses. He talk strong an tell: “Da One In Charge! Dass me! I one God dat get pity fo peopo, An I like do good tings fo peopo! I slow fo get mad. I stay tight wit my peopo plenny, An I do wat I tell I goin do erytime.

Outa Egypt 34:7

Wen I make one promise fo stay tight wit one ohana, I stay tight wit even da kids, an dea kids, An all da peopo dat come afta dem fo tousan generation. I let peopo go an hemo dea shame Fo wen dey do da wrong ting an go agains me an do bad tings. Still yet, if somebody need fo me punish dem, I punish dem. An if dea kids do da same ting, I punish dem too, an same ting wit dea grankids, An even dea great-grankids!”

Teacha 5:2

No talk befo you tink! No rush fo tell someting wen you stay in front God. God stay in da sky, An you stay on top da earth. So talk ony litto bit!

Isaiah 57:15

Da One In Charge, da One stay far away up dea Inside da sky, an real importan. He stay alive foeva. He stay good an spesho cuz dass wat kine god him. He tell: “I live inside da mos high place, Da place dat stay spesho fo me! But still yet, I stay live wit da one Dat feel all heavy inside, An know dat dey notting. Az cuz I like make da peopo dat know dey notting, An da ones dat feel heavy inside, Come strong inside.

Daniel 6:10

Wen Daniel find out dat da king sign da paypa fo da rule, he go home inside his house. Da windows fo da top room stay open an face Jerusalem. Three time ery day inside dat room, Daniel go down on top his knees fo tell God “Mahalo plenny!” cuz he do good tings. Wen he pray, he tell God he da bestes, jalike how he do befo time.

Daniel 9:19

“Boss, try lissen! Boss, hemo oua shame an let us go! Boss, try lissen, an do um! My God, cuz a who you, no wait! Cuz yoa big town an yoa peopo, dey carry yoa name!”

Daniel 9:9

God, you da Boss. You da One show pity an let us go, no matta us wen go agains you.

Matthew 6:12

Let us go, an hemo oua shame Fo all da bad kine stuff we do to you, Jalike we let da odda guy go, An we no stay huhu wit dem Fo da bad kine stuff dey do to us.

Matthew 6:9

So, pray lidis, “ ‘God, you oua Faddah. You stay inside da sky. We like all da peopo know fo shua How good an spesho you stay, An show you plenny respeck.

1 John 1:9

But if us tell God we sorry fo all da bad tings we wen do, we can trus God. An he goin do wat he tell he goin do: da right ting. God goin hemo oua shame, an wash us clean inside from all da stuff we do dass not right.