1 Kings 8:28 - Hawaii Pidgin Bible

²⁸ I yoa worka guy. You Da One In Charge, Lissen dis prayer I stay make to you. Da One In Charge, you da God fo me. I call out to you fo help me. Lissen how I stay pray in front you today!

1 Kings 8:28 ပူးပေါင်းရင်းမြစ်များ

2 Kings 13:23

But Da One In Charge get one good heart fo da Israel peopo, an pity dem, an give dem chance, cuz a da deal he wen make wit Abraham, Isaac, an Jacob. Even till now Da One In Charge no like wipe um out o chase um away from wea he stay.

2 Records 6:19

But you my God, Da One In Charge. So den lissen me, yoa worka guy, wat I pray. I like fo you give me chance. Lissen wen I call fo help, an wen I pray in front you.

Nehemiah 1:6

Try look down hea. I stay pray day time an nite time fo you help yoa peopo, da Israel peopo. I stay tell you fo real kine, us Israel peopo wen do plenny bad kine tings agains you. Me an all my ohana peopo, us do bad kine tings!

Songs 141:2

Wen I pray, go make wat I pray be okay, Jalike incense dat oua peopo burn Wen dey make one sacrifice in front you, Wen I put up my hands fo pray, Make um be Jalike da late aftanoon sacrifice.

Songs 4:1

Eh God! You da one dat tell, I no mo da blame fo wat I wen do! Wen I yell fo you help me, Lissen an do someting! Wen I presha out, Do good fo me an take away da presha! Show me how you give me chance, An lissen wen I pray!

Songs 5:1

Eh! You Da One In Charge! Try lissen wat I goin tell. Try tink how come I stay moan.

Songs 5:2

I yell fo you help me, so lissen up! You, you my king an my God. You da one I stay pray to.

Songs 86:3

You my Boss, so make good to me, Cuz all da time I stay yell Fo you help me.

Isaiah 37:15

Den Hezekiah pray to Da One In Charge:

Luke 18:1

Jesus tell his guys one story fo show dem dat dey gotta pray erytime an no give up.

Luke 18:7

You guys tink God no goin make tings right fo da ones he wen pick, wen dey stay beg him day time an nite time? You tink he goin take long time fo help dem?

Philippi 4:6

Eh, no worry bout notting! Mo betta, eryting dat happen, pray bout um, an go aks God fo do wateva you guys like him fo do. An same time, no foget tell him, “Mahalo plenny!”