1 Kings 8:26 - Hawaii Pidgin Bible

²⁶ So, you da God fo da Israel peopo, An I like fo da ting you wen tell you goin do Happen fo real. Dass wat you wen make one promise fo do To my faddah David, Dat wen work plenny fo you.

1 Kings 8:26 ပူးပေါင်းရင်းမြစ်များ

1 Kings 8:23

He tell God dis: “Eh! You Da One In Charge! You da God fo us Israel peopo! No mo anodda god dat stay like you. Not inside da sky up dea, Not on top da earth down hea. You do jalike you wen make one deal wit oua peopo fo do. You stay tight wit us guys dat stay work fo you, An dat stay live in front you wit one good heart.

1 Kings 8:27

“But you know wat, God? How you goin make house Hea on top da earth, aah?! No can! You, mo big den da mos high part a da sky! Fo shua, no way you can live down hea Inside dis Temple dat I wen build!

1 Records 17:23

“An now, you Da One In Charge, I like da ting you wen promise fo do happen an stay lidat foeva bout me, yoa worka guy, an my ohana. Do jalike you wen promise fo do.

2 Records 1:9

Now, my God, Da One In Charge, I like fo da stuff you wen promise my faddah David happen, cuz you make me da king ova plenny peopo, jalike how plenny dirt get on top da groun.

Songs 119:38

I yoa worka guy, So den, da tings You wen promise fo do, Do um fo me, Jalike you do um fo all da peopo Dat get plenny respeck fo you.

Songs 119:49

I yoa worka guy! So, no foget Da ting you wen tell me, Cuz I stay shua az wat goin happen.

Songs 41:13

Eh you guys! Tell good tings Bout Da One In Charge! He stay da God fo us Israel peopo From befo time till foeva! Dass how he stay! Dass it!

Outa Egypt 24:10

Up dea, dey see da God fo da Israel peopo! Da place he stan, get someting dat look jalike one brick floor undaneat, wit da blue kine jewelry stone dey call lapis lazuli, blue an bright jalike da clear sky.

Isaiah 41:17

“Da peopo dat get hard time An need somebody fo help dem, Dey look fo watta, but no moa. Dea tongue all dry up Cuz dey thirsty. But me, Da One In Charge, I goin do someting fo help dem. Me, da God fo da Israel peopo, I no goin go way an leave um!

Isaiah 45:3

I goin give you all da rich kine stuffs Dat dose nations keep inside dark secret places. Da rich kine stuffs dat peopo hide Inside one place wea nobody know. Den you goin know dat me Da One In Charge, Da God fo da Israel peopo. I call you by yoa name fo come by me.

Jeremiah 11:5

Dass cuz I like do wat I wen make one strong promise fo do to yoa ancesta guys, fo give dem one land dat get plenny milk an honey erytime.’ Az da land you guys get today!” An me, Jeremiah, I tell Da One In Charge, “Az right!”

1 Samuel 1:17

Eli tell her, “Go den, an I like eryting stay good fo you. An I pray dat God, da God fo da Israel peopo, goin give you wat you wen aks him fo give you.”