1 Kings 8:12 - Hawaii Pidgin Bible

¹² Den Solomon tell: “You Da One In Charge! You wen tell us awready, Dat you stay live inside one real dark place.

1 Kings 8:12 ပူးပေါင်းရင်းမြစ်များ

2 Samuel 22:10

God open up da sky an come down hea. Undaneat his feets get black storm cloud.

1 Kings 8:11

Da pries guys no can do dea pries kine work notting, cuz dey no can stan in front da cloud dat fill up da Temple Fo Da One In Charge, dat show how awesome Da One In Charge stay.

Songs 97:2

Us guys no can see Wat Da One In Charge stay do, Cuz heavy an dark, Da clouds all aroun him! Us know he goin stay da king foeva, Cuz he do wass right erytime, An he judge da right way erytime.

Outa Egypt 20:21

Da peopo stay far away from dea. But Moses, he go strait ova dea, nea da dark cloud wea God stay.

Isaiah 45:15

“Fo shua, you one god dat go hide. You da God fo us Israel peopo. Da One dat stay get us outa trouble.

Prieses 16:2

Da One In Charge tell Moses dis: “Tell yoa braddah Aaron, he no can come weneva he like inside da Real Real Spesho Place behind da thick curtain in front da place on top da Box Fo No Foget Da Deal. Dass wea da pries guy sprinkle da blood from da sacrifice fo make da peopo come pono one mo time wit me, Da One In Charge. If he jus come inside cuz he like, he goin mahke. Az cuz I stay inside da cloud dat stay ova da place wea da pries guy sprinkle da blood.

Rules Secon Time 4:11

You guys wen come nea an stan down side a da mountain, an all dat time da mountain stay burn wit fire an go all da way up to da sky. Get black clouds an stay real dark.

Rules Secon Time 5:22

Den Moses tell da peopo: “Dis wat Da One In Charge wen tell all you guys fo do wit one loud voice on top da mountain, from inside da fire an cloud an real dark sky, an he no tell notting moa. Den he write um on top two flat stones, an give um to me.

Hebrews 12:18

But da way God make da New Deal fo you guys, dass not jalike da way he make da firs deal. Cuz dat time, da Israel peopo come by Mount Sinai dat get da burning fire an storm on top, an was real black an dark all aroun.