1 Kings 8:1 - Hawaii Pidgin Bible

¹ Den King Solomon tell da older leada guys fo da Israel peopo, da main guys fo da twelve big ohanas, an all da ohana leadas fo da Israel peopo, fo come togedda by him, Jerusalem town. All dese guys come by Solomon fo help bring da Box Fo No Foget Da Deal Wit Da One In Charge, from da part dey call King David Town, dass Zion, fo put um inside da Temple.

1 Kings 8:1 ပူးပေါင်းရင်းမြစ်များ

2 Samuel 6:6

Dey come da place Nakon use wen dey split da junk kine stuffs from da wheat. Da cows dat pull da wagon trip an almos make da Box fall down. Uzzah quick put out his hand fo grab da Box Fo God so no fall down.

1 Kings 2:10

Den David mahke an go by his ancesta guys. Da peopo bury him inside Jerusalem, da part dat get da name “David Town.”

1 Kings 3:15

Den King Solomon wake up, an he know was God wen talk to him inside da dream. He go back Jerusalem side, an stan in front da Box Fo No Foget Da Deal Wit Da Boss. He make one sacrifice dat you burn up, an da kine sacrifice fo tell God dat eryting stay good. He make one party fo all da peopo dat work fo him.

1 Records 11:7

Den David start fo live inside da strong wall Jebus side. Az why now dey call dat part, David Town.

1 Records 15:25

Dass how David, da older leadas fo da Israel peopo, an da leadas fo tousan an hundred army guys go fo bring up da Box Fo No Foget Da Deal Wit Da One In Charge from Obed-Edom house. Dey all stay real good inside.

1 Records 15:29

Wen da Box Fo No Foget Da Deal Wit Da One In Charge reach David Town, Michal, Saul girl, watch from one window. An wen she see King David dancing an laughing, she tink he no ack pono.

1 Records 15:3

David tell all da Israel peopo fo come togedda inside Jerusalem, fo bring up da Box Fo Da One In Charge an put um inside da place he wen make ready fo um.

1 Records 28:1

David bring togedda inside Jerusalem all da leadas fo da Israel peopo. He call da leadas fo da twelve main ohanas, da main leadas fo da army guys dat work fo da king, az da officer guys fo one tousan an one hundred army guys, da luna guys dat stay in charge all da stuffs an animals dat da king an his boys own, da guys in charge a da palace, da spesho force army guys dat fight an no sked, da odda main army guys.

2 Records 30:1

Hezekiah sen messenjas to da Israel peopo an da Judah peopo, an he sen lettas to da Efraim an da Manasseh peopo. He tell um fo come da Temple Fo Da One In Charge inside Jerusalem an make da Passova spesho religious kine ceremony dea fo Da One In Charge, da God fo da Israel peopo.

Ezra 3:1

Dat year Octoba, afta all da Israel peopo pau make house inside dea towns, dey all come togedda Jerusalem town fo stick togedda.

Songs 102:21

Cuz a dat, peopo goin talk story On top Zion Hill Bout wat kine god Da One In Charge. An dey goin tell Inside Jerusalem town Dat he da greates.

Songs 9:11

Sing one song fo Da One In Charge, Da king dat stay live on top Mount Zion! Go by all da peopos, Make shua dey know da tings he do.

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Isaiah 46:13

I stay do wass right erytime, An I goin come nea you! I no stay far. I no goin wait long time Fo get my peopo outa trouble. On top Mount Zion I goin get da Israel peopo outa trouble, An dey goin tell peopo how awesome I stay.

Census 1:4

One guy from ery main ohana, dat stay da main leada guy fo all his ohana, dey goin help you guys.

Joshua 23:2

He tell all da Israel peopo fo come by him—dea older leadas, odda leadas, local leada guys, an officers. He tell dem, “I stay real ol, you know.

Joshua 24:1

Den Joshua tell all da Israel ohanas come togedda Shekem side. He call da older leadas, da main men guys, da local leada guys, an da military officer guys fo da Israel peopo, an dey go in front God.

1 Peter 2:6

Cuz inside da Bible, God tell, “Eh, try look. I put down da corna block inside Zion, Dass da one I wen pick. Dat stone real importan fo me. Anybody dat goin trus him plenny, Dey no need worry notting.”