1 Kings 6:23 - Hawaii Pidgin Bible

²³ Fo da Real, Real Spesho room inside da Temple, Solomon wen make two statues outa olive wood, fo look jalike da awesome angel watcha guys.

1 Kings 6:23 ပူးပေါင်းရင်းမြစ်များ

Start 3:24

Afta God throw um out, he put spesho angels watcha tings dat stay alive ova dea on da east side a da place he wen plan, Eden side. He put one sword dea too, wit fire dat come out, an dat move all aroun fo nobody go nea da Tree Dat Make You Live Foeva.

1 Kings 6:24

Da two statues, 15 feet high. Dea wings was 7 feet 6 inch, dis side an dat side, an dey stick out strait, so come 15 feet wide wit da wings.

1 Kings 6:31

Fo go inside da Real, Real Spesho room, Solomon tell his guys put two olive wood doors. Da two side poses get five sides.

1 Kings 6:32

All ova da olive wood doors dey carve pichas—awesome angel watcha guys, palm trees, an open flowas. Den he tell his guys poun gold fo go ova all da pichas, even da angels an da palm trees.

Songs 18:10

Jalike God fly down, riding On top one a da awesome tings dat stay alive an go ery place God go An stay by his throne, Jalike he get wings wit da wind undaneat, Fo dive down an grab someting!

Songs 80:1

You da one dat take kea Us Israel ohana guys Jalike one sheep guy Take kea his sheeps. You da one dat show Da Joseph ohana guys wea fo go, Jalike one sheep guy Show his sheeps wea fo go. So, lissen wat I tell! From da place you stay, Ova da Box Fo No Foget Da Deal, Wea da awesome angel watcha guys Stay on top— Show how strong you!

Isaiah 37:16

“Eh! You, Da One In Charge! You, da God Ova All Da Armies. You da God fo us Israel peopo. You get yoa spesho place right hea inside dis Temple, inside da spesho room wit da awesome angel watcha guys on top da Box. You da ony One dass God fo real kine, cuz you da God ova all da kings an dea peopos all ova da world. Was you, da One dat wen make da sky an da earth.

Ezekiel 41:24

All da four doors get hinge in da middo fo make um swing open an close.

Hebrews 1:14

All da angel guys, dey da good spirits dat work fo God. He sen um all ova fo help da peopo come outa da bad kine stuff dey stay do cuz dose peopo his kids.

1 Peter 1:12

Christ Spirit wen show da talka guys dat all dat kine stuff dey stay talk bout no goin happen fo dem, but bumbye goin happen fo you guys. An now you guys hear bout um. Da guys dat wen tell you bout Christ, dey wen tell you cuz da Good An Spesho Spirit from da sky wen help um. An you know, even da angel messenja guys like know mo plenny bout all dis.