1 Kings 6:12 - Hawaii Pidgin Bible

¹² “I like tell you someting bout dis Temple you building: If you stay live da way I tell you fo live, an do eryting da right way, an do eryting I tell you fo do, den fo you, I goin make happen da ting I wen make one promise to yoa faddah David fo do.

1 Kings 6:12 ပူးပေါင်းရင်းမြစ်များ

2 Samuel 7:5

“Go tell my worka guy David, ‘Me, Da One In Charge, give you dis message: You tink you da one fo build one temple fo me live inside um?

1 Kings 11:10

No matta Da One In Charge tell Solomon no pray to odda gods dat not fo him, Solomon neva do wat Da One In Charge wen tell um fo do.

1 Kings 3:14

If you do eryting jalike I tell you fo do, an do how my rules tell, an do da tings I tell you dat you gotta do jalike yoa faddah King David wen do, den I goin make you live long time too.”

1 Kings 6:11

Had one time, King Solomon wen get one message from Da One In Charge. Dis da message:

1 Kings 8:25

An cuz you Da One In Charge, da God fo da Israel peopo, An cuz you wen make dat kine promise, I like you fo do bumbye Jalike you wen make one promise fo do to my faddah David. You wen tell David, ‘I like yoa kids watch out how dey ack in front me Da same way you, David, wen live in front me. If dey do all dat, Den da kings from yoa blood line Goin get da right fo sit in front me On top da throne fo da Israel peopo foeva.’

1 Records 22:10

He da one goin build one temple fo peopo know wat kine god me. He goin come my boy, an I goin come his faddah. An I goin make shua some a da ones from his blood line goin be king ova da Israel peopo foeva.’

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

Songs 132:12

If yoa kids dat come from you bumbye Stay stick wit da Deal I wen make, An da tings I stay teach um Dat dey gotta do, Den goin be dea kids Dat get da right foeva Fo be da king on top da throne, Jalike wen you was in charge.”

Jeremiah 7:5

If you guys change da way you live an how you ack fo real kine, dis how goin be: You guys goin do da right ting fo each odda.

Zekariah 3:7

“Dis wat Da One In Charge, Da God Ova All Da Armies, tell: ‘If you do wat I tell you fo do, an stick wit my rules, den you goin stay in charge a my house an my open lanais. I goin let you walk wit dese guys dat stay stan hea.

Colosse 1:23

But fo shua, you guys gotta hang in dea an trus God fo real kine. Den nobody can make you guys trus odda stuffs, an make you guys no trus da Good Stuff From God dat you guys wen hear bout, da stuff you guys stay waiting fo come. Get guys dat stay tell erybody all ova da world da Good Stuff From God. Eh, dass me Paul too, an I help tell dat Good Stuff From God.