1 Kings 5:1 - Hawaii Pidgin Bible

¹ Hiram was da king dat time Tyre side. Him an King David stay tight from long time. King Hiram wen hear dat da Israel peopo wen put olive oil on top Solomon head fo make him da king, fo take ova from his faddah King David. So Hiram sen some a his helpa guys by Solomon.

1 Kings 5:1 ပူးပေါင်းရင်းမြစ်များ

Start 15:18

Right den an dea, Da One In Charge make one spesho deal fo Abram, an da sacrifice was da sign fo da deal. Da One In Charge tell Abram, “All dis land, from da Egypt borda to da big riva dey call Eufrates—all dis, I give um to da peopo dat goin come from you!

2 Samuel 5:11

Same time, Hiram, da king fo Tyre, sen messenja guys by David, an cedar wood, an carpinta guys, an guys dat know how fo build stone wall. Dey build one palace fo David.

1 Kings 10:25

Ery year fo long time, da peopo dat come by Solomon, all bring present fo him. Dey bring silva an gold kine tings, an robes, an stuff fo da army guys use, an all kine spice, an horses an mules.

1 Kings 5:10

An dass wat wen happen. Hiram give Solomon all da cedar wood an pine wood he like.

1 Kings 5:13

King Solomon wen make 30,000 man work fo him an no mo pay. Dey come Jerusalem side, from all ova da Israel land.

1 Records 14:1

Hiram da king fo Tyre sen messenja guys by David. Da messenja guys bring guys dat know how fo build one wall wit stones, an carpinta guys. Dey come fo build one palace fo David. Hiram sen logs from da cedar tree too.

2 Records 17:11

Some Filisha guys bring presents an silva fo pay tax to Jehoshafat. Even da Arab guys bring 7,700 boy sheeps an 7,700 goats.

2 Records 2:3

Solomon sen dis message fo Hiram, da Tyre king: “Try sen me cedar kine wood, jalike you wen sen to my faddah David, da time you sen him da cedar wood fo build one palace fo him live inside.

2 Records 9:26

Solomon was da main king ova all da odda kings from da Eufrates Riva north side, all da way by wea da Filisha peopo live west side, an to da edge a da Egypt land south side.

Ezra 4:20

Da kings from dat side dat wen live inside Jerusalem an da whole West Eufrates Side, dey was strong, an dey get plenny tax money from ova dea dat side.

Songs 45:12

You da princess from Tyre. Da rich peopo from dat land, Dey goin bring you all kine present Fo make you tink good bout dem.”

Songs 72:8

I like fo da king stay in charge From one ocean to da odda ocean, From da Eufrates Riva To da mos far place inside da world!

Songs 80:12

So, how come you let us guys Come all bus up?! Dass jalike you wen broke down Da walls aroun da grape plant Fo erybody dat go by dea steal da grapes!

Outa Egypt 34:24

Cuz wen you guys reach inside dat land, I goin push out da odda peopos. I goin give you guys plenny land. An da three time ery year wen you guys go da place wea you suppose to come togedda in front me, Da One In Charge, da God fo you guys, you guys no need worry bout yoa land, all da time you guys no stay dea, cuz nobody goin take da land away from you.

Isaiah 23:1

Me, Isaiah, I get heavy kine stuff fo tell bout wat I see goin happen to da Tyre peopo: All you guys inside da boats dat go Spain side, Cry an yell cuz you stay sad inside. You guys no mo house now, No mo place fo da boats fo go in. Wen da boats come back from Spain An stop Cyprus Islan, Den somebody tell dem Dat Tyre town stay all bus up awready.

Ezekiel 19:11

Da branches come real strong— Strong enuff fo make da kine stick Dat da king guys carry fo show dat dey king. Stay tall wit plenny leafs. Can see um cuz mo tall den all da odda grape plants An cuz get choke plenny branch.

Amos 1:9

You betta lissen! Dis wat Da One In Charge tell: “Ova an ova, da Tyre peopo wen go agains me. Az why, no way I goin let um go an no punish dem! Dey wen sell one whole nation to da Edom peopo, Cuz dey neva like do da right ting fo dea braddah guys.

Census 24:7

Da watta goin spill ova from dea buckets. Da peopo dat goin come from dem Goin get plenny watta. “Dea king goin be mo awesome den Agag. His peopo goin come real importan.

Luke 7:5

He get love an aloha fo oua Jew peopo, an he wen build oua church fo us.”

Rules Secon Time 20:11

Den if dey tell az good wat you tell, an dey open da gates fo da town, den you goin make all da peopo dea work fo you guys.

1 Samuel 10:27

But had some mean buggahs wit attitude. Dey tell, “No way dis guy goin get us outa trouble!” An dey ack jalike Saul junk, an dey no bring present fo him notting. But Saul no say notting.