1 Kings 4:20 - Hawaii Pidgin Bible

²⁰ All ova da Judah an Israel land, get choke plenny peopo, jalike da sand on top da beach. Dey all get plenny fo eat an drink, an dey stay good inside.

1 Kings 4:20 ပူးပေါင်းရင်းမြစ်များ

Start 13:16

I goin give you choke plenny peopo dat goin come from you. Dey goin be all ova da place, jalike da dirt stay all ova da groun. You tink can count da choke plenny dirt on top da groun? No ways! Same ting, goin get choke plenny peopo dat goin come from you, an no can count um.

Start 15:5

Den Da One In Charge take Abram outside, an tell um, “Eh! Look up dea inside da sky! Count da stars if can! Dass how choke plenny peopo goin come from you! Choke plenny, so no can count um!”

Start 22:17

I goin make eryting come good fo you fo real kine. Da peopo dat goin come from you bumbye, I goin make dem come choke plenny peopo, jalike get plenny stars inside da sky an plenny sand on top da beach. An dey goin take ova da towns wea da peopo dat stay agains dem live.

Start 32:12

You wen make one promise to me awready, ‘Fo shua, I goin do plenny good kine stuff fo you. I goin make da peopo dat goin come from you come real plenny, dat no can count, jalike da sand on top da beach.’ ”

1 Kings 3:8

I yoa worka guy, an I stay hea wit all yoa Israel peopo, da peopo you wen pick. Get choke peopo, real plenny, no can count all dem.

1 Kings 4:29

God help King Solomon fo know wat fo do erytime, an fo undastan wass good an wass bad bout all kine stuff, cuz he gotta tink bout plenny stuff, jalike get choke plenny sand on top da beach.

1 Kings 5:9

My worka guys goin bring da wood down from da Lebanon mountains to da ocean. I goin tell um tie um up fo make plenny raf. Den we bring um down on top da watta to da place you tell me. I goin tell my worka guys fo hemo da rope dea fo you guys take da wood away. Den, I like you sen me food fo my palace peopo eat. Dass how you can pay me.”

2 Kings 18:31

“No lissen Hezekiah! Cuz dis wat da Assyria king tell: Make good wit me, an come out by me. Den all you guys goin eat fruits from yoa grape plants an fig trees, an drink from yoa pukas fo get watta,

1 Records 12:39

Da guys stay dea three days wit David. Dey stay eat an drink, cuz dea blood line peopo sen food wit dem fo eat.

1 Records 22:9

But you goin get one boy dat goin be da kine guy dat no need fight, da kine dat no mo notting bodda him. I goin let him res, an no fight da nations all aroun him dat stay agains him. Even his name goin be Solomon, dat soun jalike “Eryting Stay Good.” I goin let da Israel peopo stay quiet an make eryting stay good fo dem, wen he stay king.

Job 1:18

Befo da odda guy pau talk, anodda messenja guy come. He tell, “Yoa boys an girls stay make one big luau, an drink wine inside dea mos ol braddah house.

Smart Guys 14:28

Wen da king get plenny peopo, Make him look good. But wen he no mo peopo, He come wipe out.

Teacha 2:24

So den, da bestes ting fo do, go eat, go drink, an stay good inside bout hard work! No mo notting mo betta. I see dass jalike one present from God too.

Isaiah 22:13

But you know wat?! You guys no stay sad inside. You guys dance an sing, An make party, You kill cows an sheeps, Eat da meat an drink da wine. You tell, ‘Eat an drink now, Cuz tomorra, we mahke!’

Micah 4:4

Dat time, erybody goin sit down Undaneat his grape plant an his fig tree, An nobody goin make um come sked. Cuz Da One In Charge, Da God Ova All Da Armies, Wen tell dis.

Zekariah 3:10

“Dat time, all a you guys goin tell da peopo dat stay nea you fo come sit down by yoa grape plant an yoa fig tree wit you.” Dis wat Da One In Charge, Da God Ova All Da Armies, tell.

Zekariah 9:15

Da One In Charge, Da God Ova All Da Armies, goin proteck his peopo. His peopo goin fling stones at da peopo dat stay agains dem. Den his peopo goin party up an drink, An yell loud jalike piloot guys. Dey goin feel jalike dey get one full bowl, Jalike da kine bowl da pries guys use fo sprinkle blood On top da cornas a da altar.

Jesus Guys 2:46

Ery day dey come togedda inside da open lanai fo da temple. Dey all come togedda inside dea houses an bring dea food fo share wit each odda. An dey all stay good inside, an dey happy fo come togedda.

1 Samuel 30:16

So da Egypt guy take David dem down. Wen dey get dea, get Amalek guys all ova, eating, drinking, an partying up, cuz get all kine stuff dey wen rip off from da Filisha land an from da Judah land.