1 Kings 3:28 - Hawaii Pidgin Bible

²⁸ All da Israel peopo, wen dey find out wat King Solomon wen tell cuz he da judge, dey get awesome respeck fo da King, cuz dey see how God help him fo know wat fo do, fo make shua da right ting happen.

1 Kings 3:28 ပူးပေါင်းရင်းမြစ်များ

1 Kings 10:9

I like tell yoa God, Da One In Charge, ‘Mahalo!’ cuz he da One stay do good tings fo you. Fo shua, he feel good inside wen he tink bout you! Az why he wen make you da king fo da Israel peopo. An cuz Da One In Charge get love an aloha fo da Israel peopo foeva, he make you dea king, so you judge dem da right way an do da right tings fo dem.”

1 Kings 3:27

Wen King Solomon hear dat, he tell, “Give da boy dat stay alive to da wahine dat tell no kill um. No kill da bebe. Her da muddah!”

1 Kings 4:1

Dass how was, wen Solomon was da King fo all da Israel peopo.

1 Records 29:24

All da leadas an da military fighta guys, an even all King David boys, make one promise fo take King Solomon fo be dea leada.

Ezra 7:25

“An you, Ezra, yoa God help you know wat fo do erytime. So, pick guys dat know how fo bring peopo back togedda wen dey huhu, an pick judge guys too. Dey goin judge all da peopo dat know da Rules from yoa God inside da West Eufrates Side. Da peopo ova dea dat donno da Rules, you gotta teach dem da Rules.

Songs 72:2

Weneva he judge yoa peopo, God, Let him judge um da right way. Even wen he judge yoa pooa ting guys, Let him make eryting Come right fo dem.

Songs 72:4

Wen da king judge his peopo, I like fo him make shua Fo help da pooa ting guys. An fo da ohanas dat need plenny, I like fo da king get um outa trouble An poun da ones Dat like take away dea rights.

Outa Egypt 14:31

Wen da Israel peopo see how Da One In Charge use his awesome kine powa fo wipe out da Egypt guys, da peopo come sked an get awesome respeck fo Da One In Charge. Cuz a dat, dey stay trus Da One In Charge an his worka guy Moses.

Smart Guys 16:10

Wen da king talk, Az cuz he know wat God like um fo do. Dass why no good he jam up An no judge peopo da right way.

Smart Guys 24:21

Eh my boy, stay sked a Da One In Charge An da king. But no hang out wit da kine govmen guys Dat ony like get mo an mo powa!

Smart Guys 25:2

Wen God hide tings fo us no see um, Da peopo show respeck fo him. Wen one king guy work hard Fo help da peopo undastan wass happening, Peopo show respeck fo dea king.

Smart Guys 8:15

If dey know who me, Da king guys can do dea job real good, An da big govmen guys can make good kine rules, Az how peopo goin do da right ting.

Teacha 7:19

One guy dat know wat fo do erytime Get mo powa den ten a da leada guys inside his town.

Isaiah 28:6

Da guys dat get da job fo judge, He goin make dem come So dey fo real kine like judge da right way. Da army guys dat get da job Fo make whoeva like fight dem Go back da town dey come from, He goin make dem fight good.

Daniel 1:17

God make da four young Israel guys know plenny bout any kine stuff, an undastan how come stay lidat. Dey learn plenny from books, an dey know wat fo do erytime. An Da One In Charge wen give Daniel spesho powa fo help peopo undastan all kine stuff peopo see in dea dreams, an in da tings dey see jalike one dream but dey no stay sleeping.

Daniel 2:21

He change wass goin happen, Now an bumbye. He make some kings come solid, An throw out some odda kings. Da guys dat know wat fo do erytime, He make um know even mo betta wat fo do. Fo da guys dat undastan stuff, He make um know even mo plenny.

Daniel 2:47

Da king tell Daniel, “Fo shua yoa God stay da God ova all da odda gods, an da Boss ova us king guys. He da One dat show wat tings mean dat stay secret cuz you wen tell wat dis dream mean.”

Daniel 5:11

Get one guy inside dis land dat get da spirit from da good an spesho gods inside him. Wen yoa faddah stay king, peopo find out dat dis guy can see stuff fo real kine, an undastan plenny, an know wat fo do erytime, jalike da gods. King Nebukadnezzar, yoa faddah, make dat guy da main leada fo da kahuna guys dat know how fo tell wat dreams mean. He lead da odda kahuna guys too, da ones dat know how fo stop da bad kine stuff dat happen wen somebody put kahuna on top you. An he lead da kahuna guys dat know how fo tell stuff from da stars, an da kahuna guys dat look at da animal guts wen dey kill um fo make sacrifice, fo dem find out wass goin happen bumbye.

1 Corint 1:24

But get odda peopo, some a dem Jew guys an some a dem Greek guys, dey da ones God tell fo come be his peopo. Fo dem, Christ show um dat God get plenny powa an he know wat fo do erytime.

1 Corint 1:30

You guys know how come you stay tight wit Jesus Christ? Az cuz God like um fo be lidat, dass why! God, he make Jesus da One fo make us guys know wat fo do erytime. An Jesus make us get um right wit God, an stay spesho fo God, an hemo us guys from da powa da bad kine stuff wen get ova us!

Colosse 2:2

I like give dem guys good kine words fo dem come togedda wit love an aloha. Den dey goin know fo shua dat dey undastan all dat good stuff. Dey goin find out eryting bout da secret God get fo us. An dass Christ!

Colosse 2:3

Ony wen you stay tight wit Christ, he give you all da smarts you need, an he teach you how fo use da smarts fo do good kine tings. An dese smarts jalike one treasure!

Joshua 4:14

Az was da time Da One In Charge make Joshua importan da way all da Israel peopo see um. Dey get plenny respeck fo him all da time he stay alive, jalike dey wen get fo Moses.

1 Samuel 12:18

Den Samuel pray to Da One In Charge, an dat same day Da One In Charge sen thunda an rain. So den, all da peopo come plenny sked a Da One In Charge an Samuel.