1 Kings 3:1 - Hawaii Pidgin Bible

¹ King Solomon wen let da Pharaoh guy, da King fo Egypt, make one deal wit him. Fo set up da deal, Solomon wen take da Pharaoh guy daughtah an marry her. He bring her David Town, az Jerusalem. She stay inside Jerusalem long time, till King Solomon pau build his palace, an da Temple Fo Da One In Charge, an da wall aroun da town.

1 Kings 3:1 ပူးပေါင်းရင်းမြစ်များ

2 Samuel 5:7

But David, he take ova da strong wall aroun Mount Zion! Nowdays, dass da place dey call “David Town.”

1 Kings 11:1

King Solomon wen love plenny wahines from odda places an like marry dem. He love Pharaoh daughtah—an wahines from da Moab peopo, da Ammon peopo, da Edom peopo, da Sidon peopo, an da Het peopo too.

1 Kings 2:10

Den David mahke an go by his ancesta guys. Da peopo bury him inside Jerusalem, da part dat get da name “David Town.”

1 Kings 6:1

Den, 480 year afta da Israel peopo leave da Egypt land, an da year numba 4 dat Solomon stay king fo da Israel peopo, in April, Solomon an his worka guys start fo build da Temple Fo Da One In Charge.

1 Kings 7:1

Solomon build odda buildings too. Take him 13 year fo pau build his palace.

1 Kings 7:8

Solomon build his house fo live inside, not da main open lanai, but litto bit back from da Hall Fo Da Throne. Solomon house, da same kine building jalike da Hall Fo Da Throne. He make anodda house, jalike his house, fo Pharaoh daughtah dat he wen marry.

1 Kings 9:1

An dass how was, wen Solomon guys pau build da Temple Fo Da One In Charge, an da palace, an wen make happen all da odda stuff he like do.

1 Kings 9:10

Solomon wen work twenny year fo build da two big house, da Temple Fo Da One In Charge an da palace.

1 Kings 9:24

Afta Solomon pau build da house fo Pharaoh daughtah, she move ova dea from da part a Jerusalem dat King David wen build befo time. Solomon wait till afta she stay inside da house, den he make his slave guys fix da place da army guys need fo nobody attack Jerusalem.

1 Records 11:7

Den David start fo live inside da strong wall Jebus side. Az why now dey call dat part, David Town.

2 Records 18:1

Dat time, Jehoshafat da Judah king get plenny rich kine stuff, an da peopo get respeck fo him. He make frenz wit Ahab, da king fo Israel, cuz his boy marry Ahab girl.

2 Records 8:11

Solomon bring Pharaoh girl up from David town fo live inside da palace he wen build fo her, cuz he tell, “My wife no goin live inside da palace fo David, da Israel king, cuz eryting aroun dea stay spesho fo Da One In Charge, cuz da Box Fo Da One In Charge wen come dea befo time.”

Ezra 5:11

“Dis wat da Jew leadas wen tell us: ‘Us, we da worka guys fo da God dat stay in charge a da sky an da world. We stay build dis Temple dat wen get all bus up. Long time befo time, one big king fo da Israel peopo wen build um.

Ezra 9:14

But now, we stay broke yoa rules one mo time. We stay marry da same peopos dat stay do all da pilau kine stuff. Fo shua, now you goin come real plenny huhu wit us an wipe us out, so nobody stay alive fo come back hea fo live!

Rules Secon Time 23:8

Da Edom an da Egypt peopo grankids can come togedda wit da peopo a Da One In Charge.