1 Kings 22:39 - Hawaii Pidgin Bible

³⁹ Had odda stuff happen wen Ahab stay king. All da tings he wen do—da palace he wen build wit ivory kine decoration, da towns he wen put strong wall aroun—all dat stay write inside da Record Book Fo Da Israel Kings.

1 Kings 22:39 ပူးပေါင်းရင်းမြစ်များ

1 Kings 10:18

Den da King make his guys build one big throne, an put ivory inside da wood fo make picha, an gold all ova da outside.

1 Kings 10:22

King Solomon get plenny big boats, da real big kine fo go all da way to Spain. He sen um wit da boats from Hiram. Ery three year, da big boats come back, wit gold, silva, an ivory, an all kine monkey.

1 Kings 14:19

All da odda stuff Jeroboam wen do, how he make war an how he lead da peopo, all dat stay write down inside da Record Book Fo Da Israel Kings.

1 Kings 15:23

Odda stuff dat happen wen Asa stay king, an all da tings he wen do, all da powa he get, an all da towns he wen build, stay write inside da Record Book Fo Da Judah Kings. But wen Asa come ol, his feets come real sick.

1 Kings 15:31

Had odda stuff wen happen wen Nadab stay king. All da tings he wen do, stay inside da Record Book Fo Da Judah Kings.

1 Kings 16:20

Da odda stuff dat happen wen Zimri stay king, an how he make one plan fo kill King Elah, all dat stay write inside da Record Book Fo Da Israel Kings.

1 Kings 16:27

Odda stuff wen happen wen Omri stay king, an all da tings he wen do an all da powa he get stay inside da Record Book Fo Da Israel Kings.

1 Kings 16:5

All da odda stuff dat stay happen wen Baasha stay king, an all da tings he wen do, an all da powa he get, stay write inside da Record Book Fo Da Israel Kings.

1 Kings 22:40

Dey bury Ahab by his ancesta guys. Ahab boy Ahaziah come da nex king.

2 Kings 1:18

Had odda stuff wen happen wen Ahaziah stay king. All dat stay inside da Record Book Fo Da Israel Kings.

2 Kings 15:15

Da odda stuff dat Shallum wen do, an da plan he wen make fo kill King Zekariah, all dat stay inside da Record Book Fo Da Judah Kings.

Songs 45:8

All yoa clotheses smell nice From da sap an da bark Dat dey use fo make perfume. From inside da palaces Wea get plenny nice kine stuff Wit ivory on top, Dey make music Fo make you feel real good.

Ezekiel 27:15

Da guys from Rhodes make trade wit you guys, an da peopo from plenny islans an coast towns buy stuff from you guys too. Dey pay you wit ivory an ebony wood.

Ezekiel 27:6

Dey take oak trees from Bashan Fo make da oars. Dey take da cypress wood from da Cyprus Islan coast Fo make da planks, an dey put ivory inside fo make um look nice.

Amos 3:15

I goin wack da nice houses wea dey live winta time An da houses wea dey live summa time. Da houses dey build wit plenny ivory inside goin come bus up. All ova da place, no goin get da houses dat get now.” Dass wat me Da One In Charge tell.

Amos 6:4

“Bummahs, you guys! You lay down on yoa punee all day, dat get fancy kine ivory all ova. You guys lay down all day an grind da luau food, From bebe sheeps an cows!