1 Kings 22:34 - Hawaii Pidgin Bible

³⁴ But one a da Aram army guys shoot one mo arrow, ony fo shoot. Da arrow wack Ahab da Israel king in da puka wea da front part a da body armor come togedda wit da side part. Da king tell da army guy dat drive his war wagon, “Turn aroun quick! Get me away from da fighting! I wack!”

1 Kings 22:34 ပူးပေါင်းရင်းမြစ်များ

2 Samuel 15:11

Wen Absalom go Hebron side, two hundred guys from Jerusalem go wit him. He wen invite dem fo go wit him, fo dem go wit one good heart. But dey donno notting bout wat he plan fo do.

1 Kings 22:17

Den Mikaiah tell, “I see, jalike was one dream, All da Israel guys running all ova da hills, Jalike sheeps dat no mo sheep guy fo take kea dem. Da One In Charge tell me, ‘All dis guys, no mo boss fo dem. Let um all go home, An let eryting come good fo dem.’ ”

1 Kings 22:33

an da officer guys in charge a da war wagons see he not da Israel king, so dey turn away an no chase him no moa.

1 Kings 22:35

All day, da two armies stay fight. Da king helpa guys put King Ahab inside his war wagon fo him sit dea an see da Aram army. But Ahab stay bleed plenny, so get blood all ova da bottom a da war wagon. Late aftanoon, Ahab mahke.

2 Kings 9:24

Den Jehu take his bow an arrow an shoot Joram in da middo a his back. Da arrow go all da way inside Joram heart, an he go down inside his war wagon.

2 Records 18:30

Da Aram king wen tell his officer guys in charge a da war wagons, “Ony attack da Israel king! No fight wit odda guys, no matta dey importan o not importan!”

2 Records 35:23

Da guys wit bows an arrows hit King Josiah. Josiah tell his helpa guys, “Get me outa hea! Dey wen hurt me real bad!”

Sad Song 3:37

If da Boss no like fo someting happen, No mo nobody can make um happen.

Micah 6:13

Dass why me Da One In Charge Stay start awready fo wipe out you guys, An wack you guys so hard I make you come sick. I mess you up cuz a all da bad kine stuff you guys do.

Jesus Show 9:9

Dey get metal plate on top dea ches. Dea wing soun real loud, jalike plenny horses an wagons fo war going real fas fo fight one war.

1 Samuel 17:49

David put his hand inside his bag an take out one stone. He put um inside da sling, spin um aroun fas, den let um go. An he wack Goliat in da middo a da forehead! Da stone go inside his head, an Goliat fall down an his face hit da groun.