1 Kings 22:27 - Hawaii Pidgin Bible

²⁷ Tell um, ‘Dis wat da king tell: Put dis guy in jail. Give um ony litto bit jail kine bread an watta, till I come back da winna.’ ”

1 Kings 22:27 ပူးပေါင်းရင်းမြစ်များ

1 Kings 13:4

King Jeroboam hear wat da guy dat know God tell. He hear um yelling bout da Bethel altar. From right dea by da altar Jeroboam put out his hand an poin at da guy, an tell, “Grab dat guy!” But da arm he put out fo tell dis, come stiff, so he no can pull um back!

1 Kings 22:26

Den da king fo da Israel peopo tell his guys, “Take Mikaiah back by Amon, da Samaria mayor guy, an by my boy Joash.

2 Records 16:10

Cuz a dat, Asa come real huhu wit Hanani, da guy dat can see wat goin happen, an he lock Hanani legs inside da holes in one wood frame inside da prison, cuz he mad bout wat Hanani tell. Same time, Asa make plenny cruel kine presha fo some a da peopo.

Songs 102:9

Cuz you stay huhu wit me, You pick me up an throw me out Jalike I opala. Da food I eat, ony ashes. I cry an my tears Go inside wat I drink.

Songs 127:2

Ony wase time Wen you guys wake up real early An pau hana real late Fo bus ass fo get food. Cuz you know, God take kea Da peopo he get love an aloha fo, Even wen dey stay sleeping.

Songs 80:5

You make yoa peopo cry, An dass da ony food you give um. You give um buckets a tears, ova an ova, An dass all you give um fo drink.

Isaiah 30:20

My Boss goin give you guys hard time, Jalike he give you guys Ony bread fo eat an watta fo drink. But den, da guys dat stay teach you, Dey no goin hide from you guys no moa. You goin see dem.

Jeremiah 20:2

Pash-hur tell his worka guys fo go bus up Jeremiah, da guy dat talk fo God, an lock his legs inside da holes in da wood frame shackles dat stay dea by da gate fo da mauka side a da open lanai fo da Temple, wea da road to da Benjamin land go, fo Jeremiah no move.

Jeremiah 29:26

‘Eh Zefaniah! Da One In Charge wen make you, an not Jehoiada, da pries guy dat stay in charge a da Temple Fo Da One In Charge. Any guy dat ack pupule, you suppose to put dea feets inside da wood shackle an put one iron strap aroun dea neck.

Jeremiah 36:23

Wen Jehudi pau read three o four page from da roll up book, da king cut um off wit one small knife an throw um inside da fire pot, till he burn up da whole book inside da fire.

Jeremiah 37:15

Dey mad wit Jeremiah, an tell dea guys fo bus him up. Den dey put um inside da prison inside da secretary Jonathan house, cuz dey wen make dat house come one prison.

Jeremiah 38:6

So dey take Jeremiah an put him down inside one big hole fo keep watta. Malkijah, da king boy, own da hole, dat stay inside da open lanai wea get da security guards. Dey put Jeremiah down inside da hole wit ropes. But dat big hole, no mo watta inside um dat time. Ony get mud, an Jeremiah sink down inside da mud.

Luke 3:20

An one ting mo worse, Herod throw John inside da prison!

Jesus Guys 26:10

An dass wat I wen do inside Jerusalem. Da Main Pries guys give me da powa, an I throw plenny peopo dat stay spesho fo God inside jail. An I vote dat dey gotta mahke.

Jesus Guys 5:18

Dey bus da guys Jesus wen sen all ova, an put um in jail.

Efesus 3:1

Cuz stay lidis now, an cuz me, Paul, stay lock up in prison cuz I work fo Jesus Christ, I stay lidis fo help you guys dass not Jew guys.

Rules Secon Time 16:3

No eat sacrifice meat wit da kine bread dat get yeast, but fo seven days eat ony bread dat no mo yeast, da kine bread you guys eat wen you get hard time. Cuz you guys wen go way real fas from Egypt. So dis goin help you guys no foget all da time you guys stay alive, an how you guys wen go way from Egypt.

Hebrews 11:36

An had odda peopo too. Peopo laugh at um an whip um hard. An mo worse, dey tie up odda guys wit chains an throw um inside one prison.

Jesus Show 2:10

No sked da stuff you guys goin suffa. You know, da Devil goin set up some a you guys fo go prison, fo try make you guys give up, an you guys goin suffa dea ten days. Hang in dea an trus God, even if dey kill you guys. Cuz I goin give you guys da winna prize—da kine life dass fo real!’