1 Kings 22:23 - Hawaii Pidgin Bible

²³ “An dass wat you see stay happen right now. Da One In Charge wen sen one spirit fo make all dese guys dat talk fo yoa gods, bulai wen dey open dea mout. Az cuz Da One In Charge tell, someting real bad goin happen to you!”

1 Kings 22:23 ပူးပေါင်းရင်းမြစ်များ

1 Kings 20:42

He tell King Ahab, “Lissen up. Dis wat Da One In Charge tell: ‘You let one prisona guy go, no matta me Da One In Charge tell you gotta wipe him out! So den, you goin pay wit yoa life cuz you wen let da Aram king go! An you goin lose yoa peopo, cuz you let him go back by his peopo!’ ”

1 Kings 21:19

Tell dis to Ahab: ‘Dis, wat Da One In Charge tell: Fo shua, you wen kill one guy, an den you take ova his farm!’ “Den tell um dis too: ‘Dis, wat Da One In Charge tell: Da same place wea da dogs wen suck up Nabot blood, dey goin suck up yoa blood too!’ ”

1 Kings 22:24

Den Zedekiah, Kanaanah boy, go ova dea an slap Mikaiah head. He tell, “So! How da spirit from Da One In Charge goin leave me, fo go ova dea talk to you, aah?!”

2 Records 25:16

Wen he still yet stay talk, da king tell him, “Eh! Us give you da job fo tell yoa king wass good fo him do, o wat?! Stop! No good my guys kill you!” So da guy dat talk fo God stop. But he tell, “Fo shua God tell awready wass good fo do. He goin wipe you out! Az cuz you wen bring dose odda gods hea. You no lissen wen I tell you wass good fo do!”

Outa Egypt 10:20

But same time, Da One In Charge make da Pharaoh guy stay hard head still yet, an he no like let da Israel peopo go.

Outa Egypt 4:21

Den Da One In Charge tell Moses, “Wen you get back dea Egypt side, make shua you show um all da awesome proofs dat I wen give you da powa fo do. Do um in front da Pharaoh guy. But I goin make him come hard head, so he no goin let go da peopo.

Isaiah 3:11

Bummahs! fo da guys dat do bad kine stuff, Cuz eryting goin come out bad fo dem! Jalike wat dey do, Dass wat dey goin get.

Isaiah 44:20

Jalike he stay eat ashes. His head all jam up An make um tink da wrong way. He no can get outa trouble Az why he no mahke. He no can tell, ‘Dis ting in my hand stay bulai me!’

Jeremiah 18:11

“Az why you gotta tell all dis to all da Judah peopo an da Jerusalem peopo: ‘Dis da message from Da One In Charge: Watch out! I da One stay make ready all da bad kine stuff goin happen to you guys. I da One stay make one plan agains you guys. All you guys betta not do da bad kine stuff no moa, an betta change how all you guys ack.’

Ezekiel 14:9

An maybe da guy dat tell he talk fo me tink he gotta tell someting, dat mean was me, Da One In Charge, dat bulai da talka guy. I goin grab da guy dat tell he talk fo me an wipe him out from my Israel peopo.

Census 24:13

‘No matta Balak give me his palace fill up wit silva an gold, I no can do notting good o bad, but ony wat Da One In Charge tell me fo do. I gotta tell ony wat he tell me fo tell.’

Rules Secon Time 2:30

But Sihon, da king fo Heshbon town, no like let us go thru dea. Az cuz oua God, dass Da One In Charge a us, wen make him hard head, an cuz a dat he give you guys da powa fo take him ova. An now, God let you guys win.

Local Leadas 9:23

God sen one spirit fo make da Shekem guys come hamajang an go agains Abimelek. Dey do stuff dat show Abimelek dat dey no trus him.