1 Kings 22:22 - Hawaii Pidgin Bible

²² “Da spirit tell, ‘I goin go ova dea an be one spirit dat make all da guys dat talk fo his gods bulai him wen dey talk.’ “Da One In Charge tell, ‘Good idea! You goin bulai all dem! Go, do jalike you tell!’

1 Kings 22:22 ပူးပေါင်းရင်းမြစ်များ

1 Kings 13:18

Da ol guy dat talk fo God tell um, “I one guy dat talk fo God too, jalike you. An one angel messenja guy wen tell me wat Da One In Charge tell. He tell, ‘Bring da guy back wit you yoa house fo eat an drink.’ ” (But da ol guy dat talk fo God, he bulai.)

1 Kings 22:20

“Da One In Charge aks um, ‘Who goin bulai King Ahab, so he go attack Ramot Gilead town, an mahke dea?’ Some a dem tell one ting, an some tell odda tings.

1 Kings 22:21

“Den one spirit come an stan in front Da One In Charge, an tell, ‘Me, I goin bulai him.’ “Da One In Charge aks him, ‘How you goin do dat?’

2 Kings 3:13

Elisha tell da Israel king, “Mo betta you go by da guys dat talk fo da gods yoa faddah an muddah wen pray to! How come you tink me an you stay pono?!” Da Israel king tell um, “No ways! Cuz Da One In Charge was da one wen call us three kings togedda, an he da One goin let da Moab king catch us guys!”

Job 1:12

Da One In Charge tell Da One Dat Stay Agains God, “Kay den. I give you da powa ova eryting Job get. Ony one ting—no hurt Job!” Den Da One Dat Stay Agains God go out from in front Da One In Charge.

Job 12:16

He strong an he know how fo come da winna! He get powa ova da guys dat odda peopo bulai. An he get powa ova da bulaia guys too!

Songs 109:17

Dey like put kahuna on top peopo. But I like da kahuna come on top dem, Not da odda peopo. Dey no like tell God Fo do good tings fo nobody. Az why I like nobody do good tings Fo dem.

Isaiah 19:14

Da One In Charge, him da one wen make da Egypt peopo So dey no can tink strait. Cuz a Da One In Charge, da leada guys make dea peopo Go da wrong way bout eryting dey stay do. Da Egypt peopo, dey jalike one piloot guy Dat stay fall all ova, even in his puke.

Ezekiel 14:9

An maybe da guy dat tell he talk fo me tink he gotta tell someting, dat mean was me, Da One In Charge, dat bulai da talka guy. I goin grab da guy dat tell he talk fo me an wipe him out from my Israel peopo.

Zekariah 13:2

Da One In Charge, Da God Ova All Da Armies, tell: “Dat time, I no goin let nobody use da names fo all da idol kine gods from da land. Nobody goin rememba dose gods no moa. I goin throw out da peopo dat talk fo dose gods, an da pilau kine spirit dat peopo inside dis land get.

John 8:44

“You guys come from yoa faddah, da Devil! You guys like do da kine stuff he like do. From da start, he like kill peopo. He no like da trut, cuz no mo notting true inside him. He erytime bulai, cuz dass wat he like do. He da firs guy eva wen bulai, cuz dass how he stay.

1 Timoty 4:1

God Spirit tell fo real kine dat bumbye befo da world pau some peopo no goin trus da tings we trus. Dey goin stay tight wit odda spirits dat bulai, an trus da stuff da bad kine spirits teach.

1 John 4:6

But us guys, we come from God. Erybody dat know God lissen us. Da guy dat no come from God no lissen us. Dass how we know da Spirit dat tell da trut, an da spirit dat bulai.

Jesus Show 13:14

Da Numba Two Wild Animal get da powa fo do all kine awesome stuff cuz da firs Wild Animal give um da powa fo do dat. Az how he bulai all da peopo dat stay on top da earth. Da Numba One Wild Animal tell da peopo fo make one statue dat look jalike da Numba Two Wild Animal, fo dem show respeck fo him. Dass da one dat wen get bus up wit da sword, an litto mo mahke, but den come good.

Jesus Show 17:17

Cuz God wen make dem guys tink da way he like um fo tink. Az why dem guys goin give da Wild Animal dea powa fo come king. Dey get dat powa till eryting God tell happen.

Jesus Show 20:10

Den God throw da Devil dat wen bulai dem, inside da lava lake dat burn wit sulfur. Dass wea befo time God wen throw da Wild Animal an da guy dat tell he one guy dat talk fo God, but he not. Dey goin suffa day time an nite time foeva an eva.

Jesus Show 20:3

Da angel throw da Dragon inside da Deep Dark Hole an lock um up, an seal da lock fo make um stay inside. Den Satan no can bulai da diffren peopos all ova da world fo da tousan year. Afta dat, dey gotta let Satan go fo short time.

Jesus Show 20:7

Wen da tousan year pau, dey goin let Satan go outa da prison.

Local Leadas 9:23

God sen one spirit fo make da Shekem guys come hamajang an go agains Abimelek. Dey do stuff dat show Abimelek dat dey no trus him.

1 Samuel 16:14

Dat same time, da Spirit from Da One In Charge wen bag from Saul, an Da One In Charge sen one bad kine spirit dat make Saul sked an make him suffa.

1 Samuel 18:10

Da nex day, had one spirit from God dat was bad dat wen take ova Saul. Saul stay inside his house talking pupule kine. David play his harp, jalike erytime he stay do. Saul get one spear inside his hand.

1 Samuel 19:9

But had one spirit from Da One In Charge dat make Saul come hamajang, He take ova Saul one mo time wen he stay sit inside his house. He get his spear inside his hand. Wen David stay play music,