1 Kings 21:9 - Hawaii Pidgin Bible

⁹ Dis wat she write: “Tell yoa peopo, make one spesho day fo no eat so can pray. Den wen da peopo come togedda, give Nabot da bestes place in front all da peopo.

1 Kings 21:9 ပူးပေါင်းရင်းမြစ်များ

1 Kings 21:10

Den put two no good guys right in front Nabot. Tell dem fo poin finga him lidis: ‘Eh! Us guys wen hear you tell, dat you like bad tings happen to God, an to da king!’ Den take Nabot outside, an erybody throw stone fo kill him.”

1 Kings 21:8

So Jezebel write some lettas, an she use Ahab name. Den she use Ahab seal fo ery letta so erybody know dey come from da king. She sen um to da older leada guys an da town council guys dat live in Nabot town wit him.

Isaiah 58:4

Wen you guys skip food, You guys ony make argue an like beef! You no stay pray! You guys wack each odda wit yoa fis Fo do someting bad! If you guys skip food da way you stay do today, No tink you goin make me lissen you, Up hea inside da sky, Cuz I not!

Matthew 2:8

Den he sen um Betlehem. He tell, “Go! Look all ova da place till you find da boy. Den come back ova hea an tell me. Cuz I like go dea fo go down in front him an show him respeck too.”

Matthew 23:13

Den Jesus tell, “Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys shut da door so da peopo no can get God in da sky fo dea King. But you guys no like get him fo yoa King too. An you guys no let da peopo dat like get God fo dea king, get um.

Luke 20:47

But dey no shame fo rip off da widows an take away dea house. Same time dey make one big show an pray long time, ony fo make peopo tink dey do good kine stuff fo dem. Dese kine peopo, dey goin get it mo worse from God da Judge wen da time come!”

John 18:28

Den da guys dat work fo da Main Pries Guy take Jesus away from Kaiafas place to da Rome army headquarters. Was early morning time. But dey neva go inside da Rome guys place, cuz if dey do dat, bumbye dey no can eat da spesho food fo da Passova ceremony, cuz dat make um jalike dey pilau.