1 Kings 21:7 - Hawaii Pidgin Bible

⁷ Jezebel his wife tell um, “Ho! How come you no ack jalike da king fo da Israel peopo?! Stan up an eat! No worry, brah, I take kea dat fo you. I goin get da grape farm from Nabot da Jezreel guy!”

1 Kings 21:7 ပူးပေါင်းရင်းမြစ်များ

2 Samuel 13:4

He tell Amnon, “Eh, you da king boy! So! How come ery morning you look mo an mo depress? Wassup?!” Amnon tell um, “You know Tamar, Absalom sistah, aah? I get da hots fo her.”

1 Kings 21:6

He tell her wat happen: “I wen tell Nabot da Jezreel guy, ‘Sell me yoa grape farm, o if you like, I give you anodda one.’ But he tell me, ‘No! I no goin sell you my grape farm!’ ”

Smart Guys 30:31

Da roosta dat hold up his head wen he walk, Da billy goat dat lead da odda sheeps an goats. An numba four, da one dat move real nice kine too, One king marching wit his army guys.

Teacha 4:1

I look one mo time, an I see all da presha dat some peopo put on top odda peopo unda da sun. I see peopo cry, da ones get presha on top dem. No mo nobody fo help dem come so notting bodda dem. Da guys dat put presha on top dem get plenny powa. No mo nobody fo help dem come so notting bodda dem.

Teacha 8:4

Wat da king tell, az wat goin happen. No mo nobody can tell um, “How come you do dat?!”

Amos 6:12

Eh! You tink one horse can run fas ova one pali? You tink one farma guy can use cows fo plow da ocean watta? No ways can! Jalike wen somebody like judge da right way, Dey no can, cuz you guys jalike make shua how dey judge, come out bad jalike poison! Wen get somebody dat stay do da right ting, You guys make shua dey no can do da right ting, Cuz you guys make eryting come out jalike one bitta taste!

Micah 7:3

Fo do bad kine stuff, dey go all out! Da alii guys aks fo gifs fo make dem come rich. Da judge guys aks fo unda da table kine money fo do dea job. Da importan guys tell wat dey like erytime. Dey all make plan togedda fo do um.

Local Leadas 19:6

So da two guys sit down fo eat an drink togedda. Afta dat, da girl faddah tell, “Try stay tonite, so you feel good.”

Ruth 3:7

Boaz, he wen eat an feel plenny good. Den he go lay down one side a da place wea dey pile up da barley. He go sleep ova dea. Laytas, Ruth go ova dea real quick an no make noise, an take da blanket off Boaz feets, an lay down dea.

1 Samuel 8:14

He goin take ova yoa bestes wheat fields, an grape farms, an olive trees fo him give um to his helpa guys.

1 Samuel 8:4

So, all da older leada guys come togedda, an go by Samuel, Ramah side.