1 Kings 21:4 - Hawaii Pidgin Bible

⁴ Den Ahab go home. He look real mad, cuz Nabot da Jezreel guy tell um, “I not goin sell um to you! Dat land, stay wit my ohana from my ancesta time till now.” So Ahab go lay down on top his punee. His face look at da wall, an he no eat notting cuz he all piss off.

1 Kings 21:4 ပူးပေါင်းရင်းမြစ်များ

2 Samuel 13:2

Amnon come futless an make jalike he sick wen he tink bout his half sistah Tamar, cuz she ready fo marry an neva sleep wit one guy yet. But da way Amnon tink, no way he get chance wit her.

2 Samuel 13:4

He tell Amnon, “Eh, you da king boy! So! How come ery morning you look mo an mo depress? Wassup?!” Amnon tell um, “You know Tamar, Absalom sistah, aah? I get da hots fo her.”

1 Kings 20:43

Den da Israel king come real mad an his face wen hang. He go home Samaria side.

1 Kings 21:1

Laytas, one mo ting happen wit Ahab, da king fo da Samaria peopo. Had one guy Nabot from Jezreel. He get one grape farm dea. Da grape farm stay nea one palace da king get ova dea.

1 Kings 21:3

Nabot tell Ahab, “Da One In Charge no goin let me sell um to you! Cuz dat land stay wit my ohana from my ancesta time till now!”

1 Kings 21:5

Ahab wife Jezebel come inside by him. She aks, “Wassamatta you, aah?! You get mad face, an you no eat notting!”

Esther 5:13

But dat no mean notting to me! Cuz I see Mordecai da Jew erytime sitting ova dea by da king gate, an he no stan up wen I come!”

Job 5:2

If one guy do bad kine stuff an no bodda him, An he come huhu, dat guy goin mahke. If one guy dat donno wat fo do come jealous, he goin get kill.

Teacha 6:9

Stay good inside bout da stuff you see. Az mo betta den tink bout da nice tings you no moa. Wen you tink bout nice tings you no mo, no make sense. Az jalike you chase da wind.

Jonah 4:1

Wat God wen tell bodda Jonah plenny, cuz God wen let go da Nineveh peopo. Jonah come real huhu wit God cuz a dat.

Jonah 4:4

But Da One In Charge tell Jonah, “So? You tink dass good fo you stay huhu cuz da Nineveh peopo stay sorry fo da bad kine stuff dey do, o wat?”

Jonah 4:8

Den, da sun come hot. God make one hot wind come from da east side. Da sun shine real strong on top Jonah head, an he litto mo pass out. Jonah tell God, “How come you no jus let me mahke?! Mo betta fo me mahke den stay alive!”

Jonah 4:9

God tell Jonah, “So! You tink dass good you stay huhu cuz da plant gone awready?!” Jonah tell um, “Yeah! Az good dat I stay real huhu an like mahke!”

Efesus 4:27

An no let da Devil get one chance fo jam you guys up fo do wass wrong.

James 1:14

Az oua fault wen we start fo tink, “Eh, I like do bad kine stuff!” Cuz da bad kine tinking pull us all ova. We come jalike da fish dat go afta da bait.

1 Samuel 28:23

But Saul no like. He tell, “I no goin eat.” But his helpa guys go wit da wahine, an try fo make him eat too. So he lissen dem. He get up from da groun an sit on top one punee.