1 Kings 21:13 - Hawaii Pidgin Bible

¹³ Den da two no good guys come dea. Dey sit down right in front Nabot. Dey poin finga Nabot in front all da peopo. Dey tell, “Dis Nabot, he tell he like bad tings happen to God, an to da king!” Den dey all take Nabot outside da town. Dey all throw stone at him, an he mahke.

1 Kings 21:13 ပူးပေါင်းရင်းမြစ်များ

1 Kings 21:14

Den da leada guys sen somebody by Jezebel fo tell, “Da peopo throw stone at Nabot, an he mahke awready.”

2 Kings 6:32

Elisha, he stay sit inside his house, an da older leada guys fo da Israel peopo stay sit dea wit him too. Da king sen one a his guys fo go kill Elisha. But befo da killa guy come dea, Elisha tell da older leadas, “Fo shua, you guys can see dis king like kill me! He one killa guy, an he stay sen somebody fo cut off my head! Lissen up—befo da guy he sen come, shut da door, an all you guys hold um agains him so he no can come inside! You can hear his boss, da king, dat stay come behind him awready.”

2 Kings 9:26

‘Befo time, I wen see you make Nabot an his boys bleed an mahke. An fo shua I goin pay you back fo wat you wen do to Nabot, on top dis same piece land. Dat word come from me, Da One In Charge.’ So now, go pick up Joram mahke body an throw um down on top dat land, jalike Da One In Charge wen tell goin happen.”

2 Records 24:21

But da peopo wen make one secret plan agains Zekariah. King Joash tell dem fo throw stones fo kill um. So dey kill um inside da open lanai fo da Temple Fo Da One In Charge.

Job 1:11

But you know, if you use yoa powa, an wack eryting he get, fo shua he goin talk bad bout you in yoa face!”

Job 1:5

Ery year, wen dey pau make all da big luau, Job sen one message fo dem come make one religious kine ceremony fo dem stan in front God. Den early morning time, he make one burn up kine sacrifice fo ery kid. Cuz he tink, “Maybe my kids wen do someting bad an tink bad kine stuff bout God.” Az how Job do erytime.

Job 2:9

Job wife tell him, “Wot?! You still yet like hang in dea fo do stuff fo no mo nobody poin finga you?! Mo betta you go talk bad bout God, an den mahke!”

Job 31:39

If I wen eat up eryting dat grow dea an neva pay, If I wen make da peopo dat live an work dea come all bum out,

Songs 27:12

No let da guys dat stay agains me Make any kine to me. Dey make jalike dey tell da trut bout me, But dey ony bulai. Ova an ova, dey tell dey goin bus me up.

Songs 35:11

Peopo come in front da judge Dat ony like tell stuff fo hurt me. Dey aks me bout stuff Dat I donno notting about.

Outa Egypt 20:16

“Wen you gotta tell someting in front one judge fo show proof wat anodda guy wen do, no bulai.

Smart Guys 19:28

Wen one real bad guy Suppose to tell wat he wen see, in front da judge, Da kine guy no mo respeck fo wat da judge tell, Cuz da guy tink he mo smart. Da bad kine peopo, dey do wrong, Jalike da bad kine stuff dey do taste good!

Smart Guys 19:5

Da kine guy dat bulai any kine in front da judge, Fo shua, da judge goin punish him! Da kine guy dat bulai all da time, No way he goin get away!

Smart Guys 19:9

Da kine guy dat bulai in front da judge, Fo shua, da judge goin punish him! Da kine guy dat bulai erytime he open his mout, He goin come wipe out!

Smart Guys 25:18

Wen somebody see his fren do someting, An he tell da judge Wat he see, But he bulai, Az jalike he stay hit his fren Wit one war club o one sword, O shoot um wit one sharp arrow.

Smart Guys 6:19

Peopo dat bulai any kine In front da judge. An numba seven, mo worse— Az da kine peopo Dat make braddahs go beef each odda. Dass da kine peopo Da One In Charge tell “Laytas” to.

Teacha 10:20

No even tink fo put kahuna on top da king, even inside yoa head. No put kahuna on top da rich guys, even inside yoa bedroom. Cuz maybe one bird goin carry yoa word An tell dem wat you wen tell.

Teacha 4:1

I look one mo time, an I see all da presha dat some peopo put on top odda peopo unda da sun. I see peopo cry, da ones get presha on top dem. No mo nobody fo help dem come so notting bodda dem. Da guys dat put presha on top dem get plenny powa. No mo nobody fo help dem come so notting bodda dem.

Isaiah 8:21

Da peopo goin go all ova da land, one side to da odda side. Dey goin feel plenny presha an dey goin stay hungry. An cuz dey hungry, dey goin come real huhu. Dey goin look up an swear at dea king an dea God.

Amos 7:10

One time, had one a da Main Pries guys dat live Bethel side, Amaziah. He wen sen somebody by Jeroboam Numba Two, da king fo da Israel peopo, fo tell um dis: “Amos, he live right hea wit us Israel peopo, but he stay make one plan fo throw you out. Eh! Da tings dis guy stay tell, no good fo da peopo inside oua land hear um!

Malakai 3:5

Da One In Charge Ova All Da Armies tell dis too: “I goin go by you guys in front da judge right den an dea, I goin tell da judge wat I know bout you guys, Bout da ones dat make kahuna kine ceremony, An da ones dat fool aroun behind dea wife o husban back, An da ones dat make one strong promise but dey bulai, An da ones dat make trouble fo dea worka guys cuz dey no like pay um, An make trouble fo da widows an da kids dat no mo faddah o muddah, An da ones dat give one hard time to da peopo from anodda place. All dose peopo, dey no sked me!”

Matthew 9:3

But get some teacha guys dea dat teach da Rules From God. Dey tink, “Dis guy talk bad bout God!”

Luke 23:2

Dey poin finga Jesus an tell, “Dis guy stay bulai oua peopo! He stay teach dem bad kine stuff. He tell dem no pay tax to King Cesar! He tell dat he da Christ Guy, da Spesho Guy God Wen Sen, an dat he one king.”

John 19:12

From dat time, Pilate try fo let him go. But da Jews make big noise an yell, “If you let dis guy go, you not King Cesar fren. If anybody like come one king, he agains King Cesar.”

Jesus Guys 24:5

We know dat dis guy stay make trouble. He stay make da Jew guys like beef all ova da world. He da leada fo da peopo dat stay tight wit Jesus from Nazaret.

Jesus Guys 6:11

So da Jew guys bring odda guys fo tell, “Eh! Us wen hear dis guy Stephen talk bad bout Moses an bout God!”

Rules Secon Time 13:10

Throw stone at dem fo kill um cuz dey try turn you guys away from yoa God, Da One In Charge, dat wen bring you guys outa Egypt, wea you guys was slaves.

Rules Secon Time 21:21

Den all da guys from da town he come from goin throw stone at him an kill him. You guys gotta throw out all da real bad kine stuff from you guys. Den all da Israel peopo goin hear bout dat an come sked.

Rules Secon Time 22:21

dey goin take her by da door a her faddah house, an ova dea da guys from her town goin throw stone at her fo her mahke. Az cuz she wen make pilau an shame da Israel peopo, wen she fool aroun wen she still stay inside her faddah house. You guys gotta throw out all da bad kine stuff from you.

Rules Secon Time 22:24

you guys gotta take da guy an da wahine by da gate fo da town an throw stone at dem fo kill um. Da wahine get da blame cuz she stay inside one town, but she no yell fo help. Da guy get da blame too cuz he wen sleep wit one wahine dat her faddah an muddah awready wen promise to anodda guy. You guys gotta throw out da bad kine stuff from you guys.

Rules Secon Time 5:20

“Wen you gotta tell someting in front one judge fo show proof wat anodda guy wen do, no bulai.

Hebrews 11:37

Dey throw rocks fo kill um. Dey kill um wit da saw an half half dea bodies. Dey kill oddas wit swords too. Dem guys gotta go live any kine place an dey ony get sheep skin o goat skin fo wear. Dey no mo notting. Peopo make any kine to dem an give um plenny presha.