1 Kings 21:11 - Hawaii Pidgin Bible

¹¹ So da older leada guys an da town council guys dat live Nabot town, dey do jalike wat Jezebel tell um fo do inside da lettas she wen write to dem.

1 Kings 21:11 ပူးပေါင်းရင်းမြစ်များ

1 Kings 21:10

Den put two no good guys right in front Nabot. Tell dem fo poin finga him lidis: ‘Eh! Us guys wen hear you tell, dat you like bad tings happen to God, an to da king!’ Den take Nabot outside, an erybody throw stone fo kill him.”

1 Kings 21:12

Dey make one spesho day fo no eat so can pray, an dey give Nabot da bestes place in front all da peopo.

2 Records 24:21

But da peopo wen make one secret plan agains Zekariah. King Joash tell dem fo throw stones fo kill um. So dey kill um inside da open lanai fo da Temple Fo Da One In Charge.

Outa Egypt 1:17

But da helpa wahines, dey mo sked fo go agains God. Az why dey neva do wat da king guy tell um fo do. Dey let da boy kine bebes live too.

Outa Egypt 1:21

An cuz da helpa wahines mo sked a God den dey sked a da king, God give dem kids fo dem start dea ohana too.

Smart Guys 29:12

Wen one leada guy lissen da bulaia guys, Erybody dat work fo him goin come jalike him, Bulaia too.

Smart Guys 29:26

Get plenny peopo Dat like make da guy in charge a dem tink dey stay okay. But Da One In Charge, he da ony one dat know Who stay okay an who no stay okay Fo real kine.

Isaiah 59:14

Oua peopo no let da judges tell Who dey gotta punish. Anybody like tell Bout wass right an wass wrong, Dey make um stay far. Anybody like tell da trut, Dey goin fall down on top da street. Anybody like do wass right, Dey no can even come inside oua town.

Hosea 5:11

Da Efraim peopo goin get plenny presha. Jalike I walk all ova dem wen I judge um. Dey make up dea mind fo do wat da idol kine gods tell um fo do.

Prieses 19:15

“Wen you guys judge peopo, make shua you do um da right way an make um even. No make diffren kine to da guys dat no mo notting an da guys dat stay rich. Make fair fair to erybody wen you judge odda peopo.

Micah 6:16

But still yet you guys do Wat da rules from King Omri tell you fo do. An you copy eryting Omri boy King Ahab an his ohana stay do. You guys follow eryting dey tell you az good fo you do. Az why I goin let you guys come all bus up. So den, da odda peopos goin tell, “Bummahs!” Wen dey tink bout you guys. Da odda peopos goin laugh an make fun a you guys.’ ”

Matthew 2:12

Afta dat dey get one dream from God. He tell um, “You guys betta not go back by King Herod.” So dey go home one diffren way.

Matthew 2:16

King Herod, he find out dat da guys dat know plenny bout da stars trick him, an he come real wild. He sen his army guys an tell um, “Go inside Betlehem an all da odda place ova dea, an kill all da small boys.” Dey kill all da boys two year ol an mo younga. Herod figga dat time, cuz da guys dat know plenny bout da stars wen tell him wat time da star show up firs time.

Jesus Guys 4:19

But Peter an John tell, “You guys go figga wat God figga: You figga az mo betta fo do wat you guys tell peopo fo do, o mo betta fo do wat God tell peopo fo do?

Jesus Guys 5:29

Peter an da odda Jesus guys tell, “We gotta do wat God tell us fo do, an no do wat peopo tell us fo do!

1 Samuel 22:17

Den Saul tell da guys dat guard him: “Go all aroun da pries guys dat work fo Da One In Charge, an kill um! Cuz dey on da same side wit David. Dey know he stay run away from me, but dey neva tell me.” But da army guys no like do notting fo attack da pries guys dat work fo Da One In Charge.

1 Samuel 23:20

So, King Saul, try come ova by us Zif guys weneva you like. Cuz we goin capcha da buggah an turn um ova to you.”