1 Kings 20:7 - Hawaii Pidgin Bible

⁷ Den da Israel king call all da older leadas from da land an he tell, “You guys, wat you tink bout dis?! Dis guy stay looking fo make trouble, an fo how he do bad kine tings to us! Wen he wen sen messenjas fo tell me gotta give him my wifes an kids an silva an gold, I neva tell him no.”

1 Kings 20:7 ပူးပေါင်းရင်းမြစ်များ

1 Kings 20:6

Dis da deal. Same time tomorra, I goin sen my palace guys by you. Dey goin check out eryting inside yoa palace, an eryting inside yoa palace guys houses too. Dey goin take eryting dat cost plenny an stay real nice, an take um away.’ ”

1 Kings 20:8

Den all da older leadas an all da peopo tell da king, “No lissen him! No tell um you goin make how he like!”

1 Kings 21:8

So Jezebel write some lettas, an she use Ahab name. Den she use Ahab seal fo ery letta so erybody know dey come from da king. She sen um to da older leada guys an da town council guys dat live in Nabot town wit him.

1 Kings 8:1

Den King Solomon tell da older leada guys fo da Israel peopo, da main guys fo da twelve big ohanas, an all da ohana leadas fo da Israel peopo, fo come togedda by him, Jerusalem town. All dese guys come by Solomon fo help bring da Box Fo No Foget Da Deal Wit Da One In Charge, from da part dey call King David Town, dass Zion, fo put um inside da Temple.

2 Kings 5:7

Wen da Israel king read da letta, he come real bum out. He rip his clotheses fo show dat. He tell, “Wot! Dis guy tink me God, o wat?! He tink I can kill somebody an make um come back alive, o wat?! How come dis guy sen somebody by me fo me make him come good from dat kine sick?! Fo shua you guys can see, he like beef wit me!”

1 Records 13:1

David an all da main leada guys fo his army talk togedda—da ones dat lead tousan guys, an da ones dat lead hundred guys.

1 Records 28:1

David bring togedda inside Jerusalem all da leadas fo da Israel peopo. He call da leadas fo da twelve main ohanas, da main leadas fo da army guys dat work fo da king, az da officer guys fo one tousan an one hundred army guys, da luna guys dat stay in charge all da stuffs an animals dat da king an his boys own, da guys in charge a da palace, da spesho force army guys dat fight an no sked, da odda main army guys.

Job 15:35

Da bad guys tink how fo make trouble. Az why dey do bad kine stuff. An dey make ready fo bulai odda peopo.”

Songs 140:2

Dem guys, dey erytime make plan Fo do bad tings, An all day dey go afta peopo Fo make um fight each odda.

Songs 36:4

Even wen dey on top dea bed, Dey plan fo how dey goin do Bad tings to somebody. Dey stay go da way dass no good, Cuz dey hard head. Dey make up dea mind Fo do bad kine stuff.

Songs 62:3

How long you guys Goin attack one guy?! How long all you guys Goin bus him up Jalike you bus up one wall Dat lean one side O one fence dat litto mo fall down?!

Songs 7:14

You know wat? Da bad kine peopo, Dey jalike wen one wahine come hapai, Den go born da bebe. Dey tink how fo do bad tings, An tink how fo make trouble happen, Den dey go bulai peopo.

Smart Guys 11:14

Wen no mo nobody fo tell peopo wat fo do, All dea nation goin get wipe out. Wen get plenny peopo dat can tell peopo wass good fo do, Dey all goin stay outa trouble.

Smart Guys 11:27

Some peopo try hard fo do good kine tings Cuz dey like good kine tings come to dem. But da peopo dat like do ony bad kine tings, Ony bad kine tings goin come to dem.

Smart Guys 24:2

Cuz da bad guys ony like tink How fo hurt somebody. Da way dey talk, Az ony fo make trouble.

Smart Guys 6:14

Eryting inside dea head, all crooked. All da time, dey tink how fo do bad kine stuff, An fo make peopo fight wit each odda.

Daniel 11:27

Den da two king guys goin sit down at da same table an eat togedda. But inside dem, dey stay plan fo do bad kine stuff to each odda. Dey goin bulai each odda. But dea plans no goin come out good fo dem, cuz still yet all dis goin come pau ony wen God tell az time fo come pau.