1 Kings 20:30 - Hawaii Pidgin Bible

³⁰ Da guys dat no get wipe out, run away Afek town. But ova dea, da town wall fall down on top 27,000 a dem. An Ben-Hadad, he run away to one place inside da town dat get one strong wall, an he hide inside one room inside one house.

1 Kings 20:30 ပူးပေါင်းရင်းမြစ်များ

2 Samuel 18:8

Dis wat wen happen: Da Israel army guys fight all ova da country side an mo plenny guys mahke cuz da fores eat up mo plenny guys den David army guys wen kill.

1 Kings 20:10

Den Ben-Hadad sen back da messenja guys fo tell Ahab, “I make dis promise: I goin bus up da Samaria town! No goin get enuff dirt ova dea fo all my army guys pick up even one hand full. If I no bus up Samaria town, den I like da gods bus me up even mo den dat!”

1 Kings 20:20

All da Israel guys pick one Aram guy in front dem an kill um. Den da odda Aram guys run away, an da Israel guys chase um. Da Aram king, Ben-Hadad, he ride horse run away, an some a da horse rida guys do da same ting.

1 Kings 20:26

So da nex year, same time, Ben-Hadad put togedda da Aram army. Dey go Afek town fo fight da Israel guys.

1 Kings 20:29

Da two armies stay camp in front each odda, seven day. Den, da day numba seven, dey start fo fight. Da Israel guys wen wipe out hundred tousan a da Aram infantry guys, ony one day.

1 Kings 22:25

Mikaiah tell Zedekiah, “Fo you, you goin know I tell da trut fo real kine, wen you go run inside one room inside one house fo hide!”

2 Kings 10:24

So erybody go inside fo make plenny sacrifice, regula kine an burn up kine. But befo dey do all dis, Jehu wen put eighty guys outside da Temple Fo Baal. He tell dem, “If even one a da guys dat I wen give you guys da kuleana fo kill, come out hea, da guy dat let him get out goin mahke fo dat.”

2 Kings 9:2

Wen you get dea, look fo Jehu, Jehoshafat boy an Nimshi grankid. Go by him, an take him inside one empty room inside da house, so da odda officer guys no can hear wat you tell.

2 Records 18:24

Mikaiah tell, “You know wat?! Wen you go run fo hide inside one room, an den anodda—az wen you goin find out!”

Songs 18:25

Eh God! Fo da peopo dat stay tight wit you, You show um dat you stay tight wit dem too. Fo da peopo dat stay do da right ting, You show um dat you stay do da right ting fo dem.

Isaiah 24:18

Anybody run away from some skery kine noise, Dey goin fall down inside da deep hole. Anybody climb outa da deep hole, Somebody goin catch dem in da trap. “Az goin be jalike da time Da sky wen open fo let da watta come down, An undaneat da earth, da foundation stay shake!

Isaiah 30:13

An cuz you make lidat, Dis how goin be wen I punish you guys. Jalike wen get one high wall wit one small crack, An da crack come mo big, An da wall by da crack push out, An bang! da whole ting fall down.

Jeremiah 48:44

“Anybody run away from wateva make dem real sked an shaking, Dey goin fall down inside one deep hole. An whoeva climb outa da deep hole, Da trap goin catch um anyway. Cuz az time awready Fo me punish da Moab peopo.” Az wat Da One In Charge tell.

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Amos 5:19

Fo you guys, goin be jalike dis—you go run away from da lion, An anodda kine wild animal goin catch you from da odda side! Den you go inside yoa house, An put yoa hand on top da wall fo res, An da snake bite you!

Amos 9:3

No matta dey go all da way on top Mount Carmel An hide ova dea fo nobody see um, I goin find um an drag um back. No matta dey stay hide from me on da bottom a da ocean, I goin tell da big sea monsta wat fo do An he goin go afta um an bite um.

Luke 13:4

Da eighteen guys dat wen mahke wen da towa Siloam side fall down on top um—you tink dey wen do mo worse stuff den all da odda peopo inside Jerusalem?

Joshua 13:4

From da south side, all da Canaan land, from Arah wea da Sidon peopo stay all da way to Afek, da edge a da land wea da Amor peopo stay.

Local Leadas 9:40

Abimelek guys chase Gaal guys. Plenny Shekem guys get hurt wen dey running an fall down, all da way to da town gate.

1 Samuel 29:1

So dass how was: da Filisha guys get all dea army guys togedda Afek side, an da Israel army guys get dea camp Jezreel side, by da puka wea da watta come out.