1 Kings 2:44 - Hawaii Pidgin Bible

⁴⁴ Da King tell Shimei dis too: “Inside, you know all da bad kine stuff you wen do to my faddah King David. Now, Da One In Charge stay bring all dat bad stuff back to you.

1 Kings 2:44 ပူးပေါင်းရင်းမြစ်များ

1 Kings 2:43

You wen make one strong promise to Da One In Charge. How come you no do wat you wen promise fo do, aah? I wen tell you wat you gotta do. How come you no lissen wat I tell, aah?”

2 Kings 11:1

Wen Ataliah, Ahaziah muddah, see dat her boy Ahaziah mahke, she start fo wipe out all da Judah king ohana.

2 Kings 11:12

Jehoiada bring da king boy outside in da open lanai, an put da king kine crown on top his head. He give da boy one copy a da Rules From God, so bumbye he no foget da deal wit Da One In Charge. Da peopo make him king. Dey put olive oil on top his head fo show dey pick him, an da peopo all clap dea hands, an yell, “We like da king live foeva!”

Songs 109:20

Da One In Charge, wat I tell, Az how I like you pay back Da peopo dat stay agains me, Da ones dat stay talk bad bout me.

Songs 7:16

All da trouble dey make, Goin come back to dem an make um suffa. Cuz dey bus up odda peopo, God goin bus dem up.

Smart Guys 5:22

Wen somebody do bad kine stuff, Da tings dey do, trap dem. Dey no can run away, Cuz jalike dey all tie up wit rope.

Ezekiel 17:19

“ ‘Az why dis wat me Da One In Charge, da Boss, tell: Cuz dis me, Da One In Charge, I goin pay him back, cuz he wen tell “Laytas” wit da strong promise he make an broke my deal.

Hosea 4:9

Same same, wat goin happen To da peopo an to da pries guys?! I goin punish all a dem An pay dem back fo da bad kine stuff dey wen do!

John 8:9

Wen dey hear dat, dey come shame cuz dey know dey do bad kine stuff too. So dey all go way, one afta da odda, da older guys firs, an den da younga guys. Den get ony Jesus an da wahine stay standing dea.

Rome 2:15

How dey ack, dat show dey get da Rules From God right dea inside dem. Inside dey know bout wat dey do wen dey tink wat stay right an wat stay wrong.

1 John 3:20

But no matta we tink plenny bout da bad kine stuff we wen do. Cuz we know dat God mo big den how us guys feel inside. He know eryting bout us guys!

1 Samuel 25:39

Wen David hear dat Nabal wen mahke, he tell his guys, “Tell Da One In Charge ‘Mahalo plenny!’ He wen do one good ting fo me. Cuz wen Nabal go talk bad bout me, Da One In Charge take kea me! Cuz Da One In Charge, az my boss. He no let me do da wrong kine ting to Nabal. Da bad kine ting Nabal wen do, Da One In Charge wen pay him back awready.” Den David sen messenja guys by Abigail fo tell her he like fo her come his wife.