1 Kings 2:3 - Hawaii Pidgin Bible

³ Do wateva yoa God, dass Da One In Charge, tell you gotta do um. Live da way he tell you fo live. Wateva job God give you, you betta do um. He da Judge, so wen he tell you fo do someting, do um. Eryting God teach, dat Moses wen write inside da Rules, do um. Den, no matta wat you do, an wea you go, eryting goin come out good fo you.

1 Kings 2:3 ပူးပေါင်းရင်းမြစ်များ

2 Samuel 8:14

David put army guys all ova da Edom land. An all da Edom peopo come slaves fo David. Da One In Charge help David guys fo win, ery place dey go.

2 Samuel 8:6

David put his army guys inside Damascus, da main town fo da Aram peopo, an da Aram peopo come slaves fo David. An dey gotta pay him plenny tax too from dat time. Da One In Charge help David guys fo win ery place dey go.

1 Kings 3:3

King Solomon, he get love an aloha fo Da One In Charge, an he stay keep all da rules dat his faddah David wen make. Ony one ting not right—even Solomon stay make sacrifice an burn incense on top da hills.

2 Kings 18:7

Cuz a dat, Da One In Charge stay tight wit him erytime. Eryting Hezekiah do, God make um come good fo him. Wen da Assyria king try fo take ova da country, Hezekiah no let um. He neva let da Assyria king be da boss ova him.

1 Records 29:19

An I like fo you help my boy Solomon fo go all out fo do wateva you tell um fo do, fo stick wit yoa rules, an stick wit eryting you tell he gotta do. Help um fo do eryting fo build da awesome Temple dat I give all dis stuff fo.”

Songs 119:111

Da tings you teach, Dey goin stay wit me all my life, Cuz dey da tings dat make me Stay real good inside.

Songs 119:138

Wen you tell us guys wat fo do, You teach us da right tings fo do. An us guys can trus you bout all dat.

Songs 119:2

Get peopo dat lissen up real good Erytime Da One In Charge Tell um watch out fo someting. Dey stay try fo know him Wit one good heart. Dey da ones can stay good inside!

Songs 19:7

Da way Da One In Charge teach, Eryting come out how suppose to do. Wen you do wat he teach, Jalike he make you come all new inside one mo time. Da rules Da One In Charge give, you can trus um. Dass how you goin know wat fo do erytime, Even if you donno right now wat fo do.

Teacha 12:13

Now dat you wen hear eryting, Dis da mos importan ting: Get choke respeck fo God, an do wat He tell you fo do, Cuz az da kuleana fo erybody.

Prieses 8:35

You guys gotta stay wea peopo go inside da open lanai fo da Tent Wea Da Peopo Come Fo Meet God, day time an nite time fo seven days, an do wat Da One In Charge tell you fo do. If you guys no do dat, you goin mahke, cuz az wat Da One In Charge tell me.”

Malakai 4:4

“No foget da Rules from my worka guy Moses. I wen teach him wat he gotta do, Mount Sinai side, Fo him teach all da Israel peopo da Rules Fo know wass right an wass wrong.

Rules Secon Time 29:8

We take dea land an give um to da Reuben ohana, da Gad ohana, an half da Manasseh ohana fo come dea property.

Rules Secon Time 29:9

“Make shua you do eryting dis deal tell you fo do fo eryting come good fo you guys, wateva you stay do.

Rules Secon Time 4:1

Moses tell: “Lissen, you Israel peopo, wat Da One In Charge tell you guys dat you suppose to do, an da rules he give you. Me, Moses, I goin teach you guys fo do all dat. So lissen, fo you guys stay alive an go inside da land. You guys goin take ova da land dat Da One In Charge, da God fo oua ancesta guys, stay give you guys.

Rules Secon Time 4:45

Dis all da stuff dat God tell, an da tings da peopo gotta do, an da rules dat Moses give da Israel peopo wen dey come outa Egypt.

Rules Secon Time 4:5

“Look! I wen teach you guys wat my God, Da One In Charge, tell you gotta do, an his rules, jalike he wen tell me fo teach you guys, fo you stay tight wit um inside da land wea you guys goin go fo take ova.

Rules Secon Time 4:8

You tink get odda importan nations dat get rules fo tell wass right an wass wrong, an laws dat stay pono? Fo shua no mo! Da rules an laws dat I stay give you guys today mo betta den all da odda nations!

Rules Secon Time 5:1

Moses tell all da Israel peopo fo come by him. He tell um: “Lissen, you Israel peopo. I goin tell wat God tell you guys suppose to do, an his rules fo you guys fo hear today. Learn um, an make shua you guys do um.

Joshua 22:5

But watch out! Do eryting dat Moses, Da One In Charge worka guy, wen tell you fo do. Stick wit da rules! Get love an aloha fo yoa God, Da One In Charge, live da way he like you fo live, lissen wat he tell you guys fo do, stay tight wit him, an go all out fo work fo him.”

Joshua 23:6

“Come strong. Make shua you do eryting dat stay write inside da Book Fo Da Rules From Moses. No turn away to da right side o da lef side.

1 Samuel 18:14

An so eryting David stay do, come out good, cuz Da One In Charge stay wit him.

1 Samuel 18:30

Weneva da main leada guys fo da Filisha army take dea guys out fo make war, da same ting happen—David an his guys win ova dem, mo plenny den da odda leada guys fo Saul army. Dass how erybody know dat David one awesome kine guy.

1 Samuel 18:5

Weneva Saul sen David fo fight, David win good. So Saul make David come one leada guy fo da army. All da army guys an Saul officer guys stay good inside bout dat.