1 Kings 2:22 - Hawaii Pidgin Bible

²² King Solomon tell his muddah, “Wot! How come you aks me fo let Abishag da Shunam wahine marry Adonijah?! Jalike you stay aks me fo make him da King! Cuz he my older braddah. O same ting jalike you aks me fo make Abiatar da Main Pries, an Joab Zeruiah boy da main army guy!”

1 Kings 2:22 ပူးပေါင်းရင်းမြစ်များ

2 Samuel 12:8

I give you eryting yoa boss Saul wen get, an I let you take his wifes fo come yoa wifes. I give you da Israel ohanas an da Judah ohana. An if dat still not enuff, I can give you mo plenny!

2 Samuel 16:21

Ahitofel tell, “Firs ting, go make sex wit yoa faddah odda kine wifes, da ones he wen leave ova hea fo take kea da palace. Wen you make sex lidis, den dass goin show to all da Israel peopo dat you wen do someting real pilau agains yoa faddah. An erybody dat stay by you goin come mo strong cuz a dis.”

1 Kings 1:11

Den Nathan go tell Batsheba, Solomon muddah, “You neva hear dis, o wat?! Adonijah, da one dat Haggit wen born fo David, he come King awready. An oua boss David, he donno yet wass happening!

1 Kings 2:15

Adonijah tell: “You know, was me suppose to come da King. All da Israel peopo wen tink me da one fo be dea leada. But da whole ting wen turn aroun, an now my braddah come da King, cuz Da One In Charge wen give him da right, not me.

1 Records 3:2

Da boy numba three was Absalom, Maakah boy. Maakah was Talmai girl, az Talmai da king fo Geshur. Da boy numba four was Adonijah, Haggit boy.

1 Records 3:5

Dese da kids dat born fo him ova dea: Shammua, Shobab, Natan, an Solomon by Batsheba, Ammiel girl.

Matthew 20:22

Jesus tell, “You donno wat you stay tell. You figga you guys can suffa jalike I goin suffa?” Dey tell, “Yeah, can handle.”

Mark 10:38

Jesus tell, “You guys donno wat you stay aks fo. You figga you guys can suffa jalike how I goin suffa? You figga you can handle da big trouble I goin get?”

James 4:3

Yeah, you aks fo um, but still yet you no get um, cuz inside you no stay right. Da kine stuff you stay aks fo, az ony fo make you feel good, az why.