1 Kings 2:15 - Hawaii Pidgin Bible

¹⁵ Adonijah tell: “You know, was me suppose to come da King. All da Israel peopo wen tink me da one fo be dea leada. But da whole ting wen turn aroun, an now my braddah come da King, cuz Da One In Charge wen give him da right, not me.

1 Kings 2:15 ပူးပေါင်းရင်းမြစ်များ

2 Samuel 12:24

Den David help his wife Batsheba fo no feel sad inside no moa. Laytas, afta he sleep wit her, she born one boy, an she name him “Solomon.” Da One In Charge get love an aloha fo Solomon.

2 Samuel 15:13

One messenja guy come an tell David, “Da Israel guys wen change dea mind, an now dey like Absalom mo betta den you!”

2 Samuel 15:6

Absalom make lidat to all da Israel peopo dat come fo aks da king fo do da right kine ting fo dem. Az how he bulai da Israel peopo fo dem like him mo den dey like da king.

2 Samuel 16:18

Hushai tell Absalom, “You no undastan! Da one I stay tight wit goin be da one Da One In Charge wen pick, an all dese peopo like um, an all da odda Israel guys like um too. Dass da one I goin stay wit an be his guy!

2 Samuel 3:3

Numba Two, Kileab, his muddah Abigail, Nabal widow from Carmel. Numba Three, Absalom, his muddah Maakah, an her faddah Talmai, da king fo Geshur nea Syria.

2 Samuel 3:4

Numba Four, Adonijah, his muddah Haggit. Numba Five, Shefatiah, his muddah Abital.

2 Samuel 7:12

Wen yoa time pau, an you sleep wit yoa ancesta guys, goin be one a yoa kids dat I goin make king afta you, one dat come from you. An I goin make him come strong an solid, fo stay king long time.

1 Kings 1:25

Cuz today, Adonijah wen make one sacrifice wit plenny bulls, an cows dat peopo make um fat, an sheeps too. He wen tell all da King boys, an General Joab dat stay in charge a da army, an Abiatar da pries guy, fo come by him. An you know wat? Right now, dey stay dea in front him, an dey eating an drinking plenny. Dey tell, ‘Us like King Adonijah live long time!’

1 Kings 1:38

So Zadok da pries guy, an Nathan da guy dat talk fo God, an Colonel Benaiah Jehoiada boy, an da guard guys from da Keret an Pelet peopos, dey all go outa da palace. Dey go fo put Solomon on top da mule dat stay spesho fo King David, an dey take Solomon down to da Gihon watta place.

1 Kings 1:39

Wen dey get dea, Zadok da pries guy take one horn bottle dat get olive oil inside, dat he wen get from da Tent Fo No Foget Da Deal Wit God, an he put da oil on top Solomon head. Den da peopo start fo blow trumpets, an erybody yell, “We like King Solomon live long time!”

1 Kings 1:5

Dat time, King David boy Adonijah (Haggit his muddah) go aroun ack big fo come King. He talk: “I goin come King!” Az why he go get war wagons an army guys dat ride horse. He get fifty guys fo run in front him wen he come inside one street, so erybody know Adonijah stay come.

1 Kings 2:14

Den Adonijah tell Batsheba, “I like tell you someting.” She tell, “Kay, shoots.”

1 Kings 2:16

An now, I like aks you fo do one ting fo me. No tell me no.” Batsheba tell um, “Tell me.”

1 Kings 2:22

King Solomon tell his muddah, “Wot! How come you aks me fo let Abishag da Shunam wahine marry Adonijah?! Jalike you stay aks me fo make him da King! Cuz he my older braddah. O same ting jalike you aks me fo make Abiatar da Main Pries, an Joab Zeruiah boy da main army guy!”

Smart Guys 21:30

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!

Daniel 2:22

He show um secret kine stuff Dass hard fo undastan. He know wat stay inside da dark places, Cuz he da One da light come from.