1 Kings 19:4 - Hawaii Pidgin Bible

⁴ But Elijah take one mo day fo go mo inside da boonies. He come by one broom tree an sit down undaneat, an he tell God fo let um mahke. He tell Da One In Charge, “I no can handle no moa! Let me mahke awready! No way I one betta man den my ancesta guys!”

1 Kings 19:4 ပူးပေါင်းရင်းမြစ်များ

1 Kings 13:14

an follow da guy dat know God. Da ol guy dat talk fo God find da guy, sitting unda one tree. He aks um, “Eh, you da guy dat know God, da one come from Judah?” Da guy tell, “Az me!”

1 Kings 19:3

Elijah come sked. He no wase time, he run away quick from dea, fo him no mahke. Wen he reach Beer-Sheba, Judah side, he tell da guy dat work fo him fo stay dea.

1 Kings 19:5

Den he lay down unda da tree an go sleep. One angel messenja guy come touch him an tell him, “Stan up! Eat someting!”

2 Kings 2:11

Wen dey stay walk an talk togedda, right den an dea one war wagon on fire an horses on fire show up, an make da two guys go apart. Den Elijah go up inside da sky inside one whirlwind.

Job 6:8

“Fo real, I like get da ting I wen aks fo, But dat no happen! I like fo God give me da ting I stay wait fo.

Job 6:9

I like fo God tink az good fo smash me, Fo wack me wit his fis an cut off my life.

Jeremiah 20:9

But if I tell, “I no goin even tink bout Da One In Charge! I no goin talk fo him no moa!” Den, da tings he like me tell stay inside me, Jalike one fire stay burn inside me! Jalike my bones burning up inside. I stay tired from hold um inside. I no can hold um inside no moa.

Amos 6:2

You guys tell yoa peopo, ‘Go da towns da Assyria army guys take ova awready, Go Kalneh an scope um out, An go come back by da big town Hamat, Den go makai side by da Filisha peopo, Gat town.’ You tink you guys land mo betta den dose countries, o wat? You guys tink dea land mo big den yoas, aah? No ways!

Jonah 4:3

You, you Da One In Charge! Kill me now, cuz mo betta I mahke den stay alive!”

Jonah 4:8

Den, da sun come hot. God make one hot wind come from da east side. Da sun shine real strong on top Jonah head, an he litto mo pass out. Jonah tell God, “How come you no jus let me mahke?! Mo betta fo me mahke den stay alive!”

Nahum 3:8

Nineveh, you guys tink you mo betta den Thebes, da main town fo Egypt, Dat stay by da Nile Riva?! Get watta all aroun um. Da riva make da trouble stay far. Da watta jalike one wall aroun um.

Census 11:15

If dis how you goin make to me, den mo betta kill me right now, if you stay good inside bout me. Cuz I no like see da bad tings dat goin happen to me cuz a wat you make me do!”

Matthew 6:26

Look da birds dat fly in da sky. Dey no plant seed, get crops, an stash um, but yoa Faddah in da sky, he feed um. Try tink! You guys mo importan den dem.

John 4:6

Was bout lunch time. Had one puka fo da watta dea, dey call um Jacob Puka. Jesus stay tired cuz he walk long time. His guys go inside town fo buy lunch, an he sit down by da puka. Den one wahine from dat place come fo get watta. Jesus tell her, “You can give me some watta fo drink?”

Rome 3:9

So wat, den? You tink us Jew guys mo betta den dem? No way! Cuz I awready show you guys dat da bad kine stuff get powa ova erybody, da Jew guys an da ones dass not Jew guys.